Tipitaka >> Abhidhamma Pitaka >> Yamaka >> 5.Yamaka-Saccha >> Pali-Devanagri Version-Chapter 5
Yamaka[]
Chapter 5
५. सच्चयमकं
१. पण्णत्तिवारो
(क) उद्देसो
१. चत्तारि सच्चानि – दुक्खसच्चं, समुदयसच्चं निरोधसच्चं, मग्गसच्चं।
१. पदसोधनवारो
(क) अनुलोमं
२. (क) दुक्खं दुक्खसच्चं?
(ख) दुक्खसच्चं दुक्खं?
(क) समुदयो समुदयसच्चं?
(ख) समुदयसच्चं समुदयो?
(क) निरोधो निरोधसच्चं?
(ख) निरोधसच्चं निरोधो?
(क) मग्गो मग्गसच्चं?
(ख) मग्गसच्चं मग्गो?
(ख) पच्चनीकं
३. (क) न दुक्खं न दुक्खसच्चं?
(ख) न दुक्खसच्चं न दुक्खं?
(क) न समुदयो न समुदयसच्चं?
(ख) न समुदयसच्चं न समुदयो?
(क) न निरोधो न निरोधसच्चं?
(ख) न निरोधसच्चं न निरोधो?
(क) न मग्गो न मग्गसच्चं?
(ख) न मग्गसच्चं न मग्गो?
२. पदसोधनमूलचक्कवारो
(क) अनुलोमं
४. (क) दुक्खं दुक्खसच्चं?
(ख) सच्चा समुदयसच्चं?
(क) दुक्खं दुक्खसच्चं?
(ख) सच्चा निरोधसच्चं?
(क) दुक्खं दुक्खसच्चं?
(ख) सच्चा मग्गसच्चं?
(क) समुदयो समुदयसच्चं?
(ख) सच्चा दुक्खसच्चं?
(क) समुदयो समुदयसच्चं?
(ख) सच्चा निरोधसच्चं?
(क) समुदयो समुदयसच्चं?
(ख) सच्चा मग्गसच्चं?
(क) निरोधो निरोधसच्चं?
(ख) सच्चा दुक्खसच्चं?
(क) निरोधो निरोधसच्चं?
(ख) सच्चा समुदयसच्चं?
(क) निरोधो निरोधसच्चं?
(ख) सच्चा मग्गसच्चं?
(क) मग्गो मग्गसच्चं ?
(ख) सच्चा दुक्खसच्चं?
(क) मग्गो मग्गसच्चं?
(ख) सच्चा समुदयसच्चं?
(क) मग्गो मग्गसच्चं?
(ख) सच्चा निरोधसच्चं?
(ख) पच्चनीकं
५. (क) न दुक्खं न दुक्खसच्चं?
(ख) न सच्चा न समुदयसच्चं?
(क) न दुक्खं न दुक्खसच्चं?
(ख) न सच्चा न निरोधसच्चं?
(क) न दुक्खं न दुक्खसच्चं?
(ख) न सच्चा न मग्गसच्चं?
(क) न समुदयो न समुदयसच्चं?
(ख) न सच्चा न दुक्खसच्चं?
(क) न समुदयो न समुदयसच्चं?
(ख) न सच्चा न निरोधसच्चं?
(क) न समुदयो न समुदयसच्चं?
(ख) न सच्चा न मग्गसच्चं?
(क) न निरोधो न निरोधसच्चं?
(ख) न सच्चा न दुक्खसच्चं?
(क) न निरोधो न निरोधसच्चं?
(ख) न सच्चा न समुदयसच्चं?
(क) न निरोधो न निरोधसच्चं?
(ख) न सच्चा न मग्गसच्चं?
(क) न मग्गो न मग्गसच्चं?
(ख) न सच्चा न दुक्खसच्चं?
(क) न मग्गो न मग्गसच्चं?
(ख) न सच्चा न समुदयसच्चं?
(क) न मग्गो न मग्गसच्चं?
(ख) न सच्चा न निरोधसच्चं?
३. सुद्धसच्चवारो
(क) अनुलोमं
६. (क) दुक्खं सच्चं?
(ख) सच्चा दुक्खं?
(क) समुदयो सच्चं?
(ख) सच्चा समुदयो?
(क) निरोधो सच्चं?
(ख) सच्चा निरोधो?
(क) मग्गो सच्चं?
(ख) सच्चा मग्गो?
(ख) पच्चनीकं
७. (क) न दुक्खं न सच्चं?
(ख) न सच्चा न दुक्खं?
(क) न समुदयो न सच्चं?
(ख) न सच्चा न समुदयो?
(क) न निरोधो न सच्चं?
(ख) न सच्चा न निरोधो?
(क) न मग्गो न सच्चं?
(ख) न सच्चा न मग्गो?
४. सुद्धसच्चमूलचक्कवारो
(क) अनुलोमं
८. (क) दुक्खं सच्चं?
(ख) सच्चा समुदयो?
(क) दुक्खं सच्चं?
(ख) सच्चा निरोधो ?
(क) दुक्खं सच्चं?
(ख) सच्चा मग्गो?
समुदयो सच्चं?
सच्चा दुक्खं?…पे॰… सच्चा मग्गो?
निरोधो सच्चं?
सच्चा दुक्खं?…पे॰… सच्चा मग्गो?
(क) मग्गो सच्चं?
(ख) सच्चा दुक्खं?
(क) मग्गो सच्चं?
(ख) सच्चा समुदयो?
(क) मग्गो सच्चं?
(ख) सच्चा निरोधो?
(ख) पच्चनीकं
९. (क) न दुक्खं न सच्चं?
(ख) न सच्चा न समुदयो?
(क) न दुक्खं न सच्चं?
(ख) न सच्चा न निरोधो?
(क) न दुक्खं न सच्चं?
(ख) न सच्चा न मग्गो?
न समुदयो न सच्चं?
न सच्चा न दुक्खं?…पे॰… न सच्चा न मग्गो?
न निरोधो न सच्चं?
न सच्चा न दुक्खं?…पे॰… न सच्चा न मग्गो?
(क) न मग्गो न सच्चं?
(ख) न सच्चा न दुक्खं?
(क) न मग्गो न सच्चं?
(ख) न सच्चा न समुदयो?
(क) न मग्गो न सच्चं?
(ख) न सच्चा न निरोधो?
पण्णत्तिउद्देसवारो।
१. पण्णत्तिवार
(ख) निद्देसो
१. पदसोधनवारो
(क) अनुलोमं
१०. (क) दुक्खं दुक्खसच्चन्ति? आमन्ता।
(ख) दुक्खसच्चं दुक्खन्ति?
कायिकं दुक्खं चेतसिकं दुक्खं ठपेत्वा अवसेसं दुक्खसच्चं [अवसेसं दुक्खसच्चं दुक्खसच्चं (स्या॰) एवमुपरिपि], न दुक्खं। कायिकं दुक्खं चेतसिकं दुक्खं दुक्खञ्चेव दुक्खसच्चञ्च।
(क) समुदयो समुदयसच्चन्ति?
समुदयसच्चं ठपेत्वा अवसेसो समुदयो, न समुदयसच्चं। समुदयसच्चं समुदयो चेव समुदयसच्चञ्च।
(ख) समुदयसच्चं समुदयोति? आमन्ता।
(क) निरोधो निरोधसच्चन्ति?
निरोधसच्चं ठपेत्वा अवसेसो निरोधो, न निरोधसच्चं। निरोधसच्चं निरोधो चेव निरोधसच्चञ्च।
(ख) निरोधसच्चं निरोधोति? आमन्ता।
(क) मग्गो मग्गसच्चन्ति?
मग्गसच्चं ठपेत्वा अवसेसो मग्गो, न मग्गसच्चं। मग्गसच्चं मग्गो चेव मग्गसच्चञ्च।
(ख) मग्गसच्चं मग्गोति? आमन्ता।
(ख) पच्चनीकं
११. (क) न दुक्खं न दुक्खसच्चन्ति?
कायिकं दुक्खं चेतसिकं दुक्खं ठपेत्वा अवसेसं न दुक्खं [अवसेसं दुक्खसच्चं न दुक्खं (सी॰ स्या॰ क॰) एवं अवसेसेसु तीसु सच्चेसु] दुक्खसच्चं। दुक्खञ्च दुक्खसच्चञ्च ठपेत्वा अवसेसं न चेव दुक्खं न च दुक्खसच्चं।
(ख) न दुक्खसच्चं न दुक्खन्ति? आमन्ता।
(क) न समुदयो न समुदयसच्चन्ति? आमन्ता।
(ख) न समुदयसच्चं न समुदयोति?
समुदयसच्चं ठपेत्वा अवसेसो न समुदयसच्चं, समुदयो। समुदयञ्च समुदयसच्चञ्च ठपेत्वा अवसेसो न चेव समुदयो न च समुदयसच्चं।
(क) न निरोधो न निरोधसच्चन्ति? आमन्ता।
(ख) न निरोधसच्चं न निरोधोति?
निरोधसच्चं ठपेत्वा अवसेसो न निरोधसच्चं, निरोधो। निरोधञ्च निरोधसच्चञ्च ठपेत्वा अवसेसो न चेव निरोधो न च निरोधसच्चं।
(क) न मग्गो न मग्गसच्चन्ति? आमन्ता।
(ख) न मग्गसच्चं न मग्गोति?
मग्गसच्चं ठपेत्वा अवसेसो न मग्गसच्चं, मग्गो। मग्गञ्च मग्गसच्चञ्च ठपेत्वा अवसेसो न चेव मग्गो न च मग्गसच्चं।
२. पदसोधनमूलचक्कवारो
(क) अनुलोमं
१२. (क) दुक्खं दुक्खसच्चन्ति? आमन्ता।
(ख) सच्चा समुदयसच्चन्ति?
समुदयसच्चं सच्चञ्चेव समुदयसच्चञ्च। अवसेसा सच्चा [अवसेसा सच्चा सच्चा (स्या॰)] न समुदयसच्चं।
दुक्खं दुक्खसच्चन्ति? आमन्ता।
सच्चा निरोधसच्चन्ति?…पे॰… सच्चा मग्गसच्चन्ति?
मग्गसच्चं सच्चञ्चेव मग्गसच्चञ्च। अवसेसा सच्चा न मग्गसच्चं।
१३. समुदयो समुदयसच्चन्ति?
समुदयसच्चं ठपेत्वा अवसेसो समुदयो, न समुदयसच्चं। समुदयसच्चं समुदयो चेव समुदयसच्चञ्च। सच्चा दुक्खसच्चन्ति? …पे॰… सच्चा निरोधसच्चन्ति?…पे॰… सच्चा मग्गसच्चन्ति?
मग्गसच्चं सच्चञ्चेव मग्गसच्चञ्च। अवसेसा सच्चा न मग्गसच्चं।
१४. निरोधो निरोधसच्चन्ति?
निरोधसच्चं ठपेत्वा अवसेसो निरोधो, न निरोधसच्चं। निरोधसच्चं निरोधो चेव निरोधसच्चञ्च।
सच्चा दुक्खसच्चन्ति?…पे॰… सच्चा समुदयसच्चन्ति? …पे॰… सच्चा मग्गसच्चन्ति?
मग्गसच्चं सच्चञ्चेव मग्गसच्चञ्च। अवसेसा सच्चा न मग्गसच्चं।
१५. मग्गो मग्गसच्चन्ति?
मग्गसच्चं ठपेत्वा अवसेसो मग्गो, न मग्गसच्चं। मग्गसच्चं मग्गो चेव मग्गसच्चञ्च।
सच्चा दुक्खसच्चन्ति?…पे॰… सच्चा समुदयसच्चन्ति? …पे॰… सच्चा निरोधसच्चन्ति?
निरोधसच्चं सच्चञ्चेव निरोधसच्चञ्च। अवसेसा सच्चा न निरोधसच्चं।
(ख) पच्चनीकं
१६. (क) न दुक्खं न दुक्खसच्चन्ति?
कायिकं दुक्खं चेतसिकं दुक्खं ठपेत्वा अवसेसं न दुक्खं, दुक्खसच्चं। दुक्खञ्च दुक्खसच्चञ्च ठपेत्वा अवसेसं न चेव दुक्खं न च दुक्खसच्चं।
(ख) न सच्चा न समुदयसच्चन्ति? आमन्ता।
न दुक्खं न दुक्खसच्चन्ति?
कायिकं दुक्खं चेतसिकं दुक्खं ठपेत्वा अवसेसं न दुक्खं, दुक्खसच्चं। दुक्खञ्च दुक्खसच्चञ्च ठपेत्वा अवसेसं न चेव दुक्खं न च दुक्खसच्चं।
न सच्चा न निरोधसच्चन्ति?…पे॰… न सच्चा न मग्गसच्चन्ति? आमन्ता।
१७. (क) न समुदयो न समुदयसच्चन्ति? आमन्ता।
(ख) न सच्चा न दुक्खसच्चन्ति? आमन्ता।
न समुदयो न समुदयसच्चन्ति? आमन्ता।
न सच्चा न निरोधसच्चन्ति?…पे॰… न सच्चा न मग्गसच्चन्ति? आमन्ता।
१८. न निरोधो न निरोधसच्चन्ति? आमन्ता।
न सच्चा न दुक्खसच्चन्ति?…पे॰… न सच्चा न समुदयसच्चन्ति?…पे॰… न सच्चा न मग्गसच्चन्ति? आमन्ता।
१९. (क) न मग्गो न मग्गसच्चन्ति? आमन्ता।
(ख) न सच्चा न दुक्खसच्चन्ति? आमन्ता।
न मग्गो न मग्गसच्चन्ति? आमन्ता।
न सच्चा न समुदयसच्चन्ति?…पे॰… न सच्चा न निरोधसच्चन्ति? आमन्ता।
३. सुद्धसच्चवारो
(क) अनुलोमं
२०. (क) दुक्खं सच्चन्ति? आमन्ता।
(ख) सच्चा दुक्खसच्चन्ति?
दुक्खसच्चं सच्चञ्चेव दुक्खसच्चञ्च। अवसेसा सच्चा न दुक्खसच्चं।
समुदयो सच्चन्ति? आमन्ता…पे॰…।
निरोधो सच्चन्ति? आमन्ता…पे॰…।
(क) मग्गो सच्चन्ति? आमन्ता।
(ख) सच्चा मग्गसच्चन्ति?
मग्गसच्चं सच्चञ्चेव मग्गसच्चञ्च। अवसेसा सच्चा न मग्गसच्चं।
(ख) पच्चनीकं
२१. (क) न दुक्खं न सच्चन्ति?
दुक्खं ठपेत्वा अवसेसा सच्चा न दुक्खं, सच्चा। दुक्खञ्च सच्चञ्च ठपेत्वा अवसेसं न चेव दुक्खं न च सच्चा।
(ख) न सच्चा न दुक्खसच्चन्ति? आमन्ता।
न समुदयो न सच्चन्ति?
समुदयं ठपेत्वा…पे॰… निरोधं ठपेत्वा…पे॰…।
(क) न मग्गो न सच्चन्ति?
मग्गं ठपेत्वा अवसेसा सच्चा न मग्गो, सच्चा। मग्गञ्च सच्चञ्च ठपेत्वा अवसेसा न चेव मग्गो न च सच्चा।
(ख) न सच्चा न मग्गसच्चन्ति? आमन्ता।
४. सुद्धसच्चमूलचक्कवारो
(क) अनुलोमं
२२. (क) दुक्खं सच्चन्ति? आमन्ता।
(ख) सच्चा समुदयसच्चन्ति?
समुदयसच्चं सच्चञ्चेव समुदयसच्चञ्च। अवसेसा सच्चा न समुदयसच्चं।
दुक्खं सच्चन्ति? आमन्ता।
सच्चा निरोधसच्चन्ति?…पे॰…। सच्चा मग्गसच्चन्ति?
मग्गसच्चं सच्चञ्चेव मग्गसच्चञ्च। अवसेसा सच्चा न मग्गसच्चं।
समुदयो सच्चन्ति? आमन्ता।…पे॰…।
निरोधो सच्चन्ति? आमन्ता।…पे॰…।
मग्गो सच्चन्ति? आमन्ता।
सच्चा दुक्खसच्चन्ति?…पे॰… सच्चा समुदयसच्चन्ति? …पे॰… सच्चा निरोधसच्चन्ति?
निरोधसच्चं सच्चञ्चेव निरोधसच्चञ्च। अवसेसा सच्चा न निरोधसच्चं।
(ख) पच्चनीकं
२३. (क) न दुक्खं न सच्चन्ति?
दुक्खं ठपेत्वा अवसेसा सच्चा न दुक्खं, सच्चा। दुक्खञ्च सच्चञ्च ठपेत्वा अवसेसा न चेव दुक्खं न च सच्चा।
(ख) न सच्चा न समुदयसच्चन्ति? आमन्ता।
न दुक्खं न सच्चन्ति?
दुक्खं ठपेत्वा अवसेसा सच्चा न दुक्खं, सच्चा। दुक्खञ्च सच्चञ्च ठपेत्वा अवसेसा न चेव दुक्खं न च सच्चा।
न सच्चा न निरोधसच्चन्ति?…पे॰… न सच्चा न मग्गसच्चन्ति? आमन्ता।
२४. न समुदयो न सच्चन्ति?
समुदयं ठपेत्वा अवसेसा सच्चा न समुदयो, सच्चा। समुदयञ्च सच्चञ्च ठपेत्वा अवसेसा न चेव समुदयो न च सच्चा।
न सच्चा न दुक्खसच्चन्ति?…पे॰…।
२५. न निरोधो न सच्चन्ति?
निरोधं ठपेत्वा…पे॰…।
२६. (क) न मग्गो न सच्चन्ति?
मग्गं ठपेत्वा अवसेसा सच्चा न मग्गो, सच्चा। मग्गञ्च सच्चञ्च ठपेत्वा अवसेसा न चेव मग्गो न च सच्चा।
(ख) न सच्चा न दुक्खसच्चन्ति? आमन्ता।
न मग्गो न सच्चन्ति?
मग्गं ठपेत्वा अवसेसा सच्चा न मग्गो, सच्चा। मग्गञ्च सच्चञ्च ठपेत्वा अवसेसा न चेव मग्गो न च सच्चा।
न सच्चा न समुदयसच्चन्ति? आमन्ता।…पे॰…।
न सच्चा न निरोधसच्चन्ति? आमन्ता।
पण्णत्तिनिद्देसवारो।
२. पवत्तिवारो १. उप्पादवारो
(१) पच्चुप्पन्नवारो
(क) अनुलोमपुग्गलो
२७. (क) यस्स दुक्खसच्चं उप्पज्जति तस्स समुदयसच्चं उप्पज्जतीति?
सब्बेसं उपपज्जन्तानं पवत्ते तण्हाविप्पयुत्तचित्तस्स उप्पादक्खणे तेसं दुक्खसच्चं उप्पज्जति, नो च तेसं समुदयसच्चं उप्पज्जति। तण्हाय उप्पादक्खणे तेसं दुक्खसच्चञ्च उप्पज्जति समुदयसच्चञ्च उप्पज्जति।
(ख) यस्स वा पन समुदयसच्चं उप्पज्जति तस्स दुक्खसच्चं उप्पज्जतीति? आमन्ता।
(क) यस्स दुक्खसच्चं उप्पज्जति तस्स मग्गसच्चं उप्पज्जतीति?
सब्बेसं उपपज्जन्तानं पवत्ते मग्गविप्पयुत्तचित्तस्स उप्पादक्खणे तेसं दुक्खसच्चं उप्पज्जति, नो च तेसं मग्गसच्चं उप्पज्जति। पञ्चवोकारे मग्गस्स उप्पादक्खणे तेसं दुक्खसच्चञ्च उप्पज्जति मग्गसच्चञ्च उप्पज्जति।
(ख) यस्स वा पन मग्गसच्चं उप्पज्जति तस्स दुक्खसच्चं उप्पज्जतीति?
अरूपे मग्गस्स उप्पादक्खणे तेसं मग्गसच्चं उप्पज्जति, नो च तेसं दुक्खसच्चं उप्पज्जति। पञ्चवोकारे मग्गस्स उप्पादक्खणे तेसं मग्गसच्चञ्च उप्पज्जति दुक्खसच्चञ्च उप्पज्जति।
२८. (क) यस्स समुदयसच्चं उप्पज्जति तस्स मग्गसच्चं उप्पज्जतीति? नो।
(ख) यस्स वा पन मग्गसच्चं उप्पज्जति तस्स समुदयसच्चं उप्पज्जतीति? नो।
(ख) अनुलोमओकासो
२९. (क) यत्थ दुक्खसच्चं उप्पज्जति तत्थ समुदयसच्चं उप्पज्जतीति?
असञ्ञसत्ते तत्थ दुक्खसच्चं उप्पज्जति, नो च तत्थ समुदयसच्चं उप्पज्जति। चतुवोकारे पञ्चवोकारे तत्थ दुक्खसच्चञ्च उप्पज्जति समुदयसच्चञ्च उप्पज्जति।
(ख) यत्थ वा पन…पे॰…? आमन्ता।
(क) यत्थ दुक्खसच्चं उप्पज्जति तत्थ मग्गसच्चं उप्पज्जतीति?
अपाये असञ्ञसत्ते तत्थ दुक्खसच्चं उप्पज्जति, नो च तत्थ मग्गसच्चं उप्पज्जति। अवसेसे चतुवोकारे पञ्चवोकारे तत्थ दुक्खसच्चञ्च उप्पज्जति मग्गसच्चञ्च उप्पज्जति।
(ख) यत्थ वा पन मग्गसच्चं उप्पज्जति तत्थ दुक्खसच्चं उप्पज्जतीति? आमन्ता।
३०. (क) यत्थ समुदयसच्चं उप्पज्जति तत्थ मग्गसच्चं उप्पज्जतीति?
अपाये तत्थ समुदयसच्चं उप्पज्जति, नो च तत्थ मग्गसच्चं उप्पज्जति। अवसेसे चतुवोकारे पञ्चवोकारे तत्थ समुदयसच्चञ्च उप्पज्जति मग्गसच्चञ्च उप्पज्जति।
(ख) यत्थ वा पन…पे॰…? आमन्ता।
(ग) अनुलोमपुग्गलोकासा
३१. यस्स यत्थ दुक्खसच्चं उप्पज्जति तस्स तत्थ समुदयसच्चं उप्पज्जतीति?…पे॰…।
(यस्सकम्पि यस्सयत्थकम्पि सदिसं वित्थारेतब्बं)।
(घ) पच्चनीकपुग्गलो
३२. (क) यस्स दुक्खसच्चं नुप्पज्जति तस्स समुदयसच्चं नुप्पज्जतीति? आमन्ता।
(ख) यस्स वा पन समुदयसच्चं नुप्पज्जति तस्स दुक्खसच्चं नुप्पज्जतीति?
सब्बेसं उपपज्जन्तानं पवत्ते तण्हाविप्पयुत्तचित्तस्स उप्पादक्खणे तेसं समुदयसच्चं नुप्पज्जति, नो च तेसं दुक्खसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं समुदयसच्चञ्च नुप्पज्जति दुक्खसच्चञ्च नुप्पज्जति।
(क) यस्स दुक्खसच्चं नुप्पज्जति तस्स मग्गसच्चं नुप्पज्जतीति?
अरूपे मग्गस्स उप्पादक्खणे तेसं दुक्खसच्चं नुप्पज्जति, नो च तेसं मग्गसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे फलस्स उप्पादक्खणे तेसं दुक्खसच्चञ्च नुप्पज्जति मग्गसच्चञ्च नुप्पज्जति।
(ख) यस्स वा पन मग्गसच्चं नुप्पज्जति तस्स दुक्खसच्चं नुप्पज्जतीति?
सब्बेसं उपपज्जन्तानं पवत्ते मग्गविप्पयुत्तचित्तस्स उप्पादक्खणे तेसं मग्गसच्चं नुप्पज्जति, नो च तेसं दुक्खसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे फलस्स उप्पादक्खणे तेसं मग्गसच्चञ्च नुप्पज्जति दुक्खसच्चञ्च नुप्पज्जति।
३३. (क) यस्स समुदयसच्चं नुप्पज्जति तस्स मग्गसच्चं नुप्पज्जतीति?
मग्गस्स उप्पादक्खणे तेसं समुदयसच्चं नुप्पज्जति, नो च तेसं मग्गसच्चं नुप्पज्जति। सब्बेसं चित्तस्स भङ्गक्खणे तण्हाविप्पयुत्तमग्गविप्पयुत्तचित्तस्स उप्पादक्खणे निरोधसमापन्नानं असञ्ञसत्तानं तेसं समुदयसच्चञ्च नुप्पज्जति मग्गसच्चञ्च नुप्पज्जति।
(ख) यस्स वा पन मग्गसच्चं नुप्पज्जति तस्स समुदयसच्चं नुप्पज्जतीति?
तण्हाय उप्पादक्खणे तेसं मग्गसच्चं नुप्पज्जति, नो च तेसं समुदयसच्चं नुप्पज्जति। सब्बेसं चित्तस्स भङ्गक्खणे मग्गविप्पयुत्ततण्हाविप्पयुत्तचित्तस्स [तण्हाविप्पयुत्तमग्गविप्पयुत्तचित्तस्स (सी॰) एवं पुग्गलोकासेपि निरोधवारेपि] उप्पादक्खणे निरोधसमापन्नानं असञ्ञसत्तानं तेसं मग्गसच्चञ्च नुप्पज्जति समुदयसच्चञ्च नुप्पज्जति।
(ङ) पच्चनीकओकासो
३४. (क) यत्थ दुक्खसच्चं नुप्पज्जति तत्थ समुदयसच्चं नुप्पज्जतीति? नत्थि।
(ख) यत्थ वा पन समुदयसच्चं नुप्पज्जति तत्थ दुक्खसच्चं नुप्पज्जतीति? उप्पज्जति।
(क) यत्थ दुक्खसच्चं नुप्पज्जति तत्थ मग्गसच्चं नुप्पज्जतीति? नत्थि।
(ख) यत्थ वा पन मग्गसच्चं नुप्पज्जति तत्थ दुक्खसच्चं नुप्पज्जतीति ? उप्पज्जति।
३५. (क) यत्थ समुदयसच्चं नुप्पज्जति तत्थ मग्गसच्चं नुप्पज्जतीति? आमन्ता।
(ख) यत्थ वा पन मग्गसच्चं नुप्पज्जति तत्थ समुदयसच्चं नुप्पज्जतीति?
अपाये तत्थ मग्गसच्चं नुप्पज्जति, नो च तत्थ समुदयसच्चं नुप्पज्जति। असञ्ञसत्ते तत्थ मग्गसच्चञ्च नुप्पज्जति समुदयसच्चञ्च नुप्पज्जति।
(च) पच्चनीकपुग्गलोकासा
३६. (क) यस्स यत्थ दुक्खसच्चं नुप्पज्जति तस्स तत्थ समुदयसच्चं नुप्पज्जतीति? आमन्ता।
(ख) यस्स वा पन यत्थ समुदयसच्चं नुप्पज्जति तस्स तत्थ दुक्खसच्चं नुप्पज्जतीति?
सब्बेसं उपपज्जन्तानं पवत्ते तण्हाविप्पयुत्तचित्तस्स उप्पादक्खणे तेसं तत्थ समुदयसच्चं नुप्पज्जति, नो च तेसं तत्थ दुक्खसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ समुदयसच्चञ्च नुप्पज्जति दुक्खसच्चञ्च नुप्पज्जति।
(क) यस्स यत्थ दुक्खसच्चं नुप्पज्जति तस्स तत्थ मग्गसच्चं नुप्पज्जतीति?
अरूपे मग्गस्स उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ मग्गसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे फलस्स उप्पादक्खणे तेसं तत्थ दुक्खसच्चञ्च नुप्पज्जति मग्गसच्चञ्च नुप्पज्जति।
(ख) यस्स वा पन यत्थ मग्गसच्चं नुप्पज्जति तस्स तत्थ दुक्खसच्चं नुप्पज्जतीति?
सब्बेसं उपपज्जन्तानं पवत्ते मग्गविप्पयुत्तचित्तस्स उप्पादक्खणे तेसं तत्थ मग्गसच्चं नुप्पज्जति, नो च तेसं तत्थ दुक्खसच्चं नुप्पज्जति। सब्बेसं चवन्तानं पवत्ते चित्तस्स भङ्गक्खणे अरूपे फलस्स उप्पादक्खणे तेसं तत्थ मग्गसच्चञ्च नुप्पज्जति दुक्खसच्चञ्च नुप्पज्जति।
३७. (क) यस्स यत्थ समुदयसच्चं नुप्पज्जति तस्स तत्थ मग्गसच्चं नुप्पज्जतीति?
मग्गस्स उप्पादक्खणे तेसं तत्थ समुदयसच्चं नुप्पज्जति, नो च तेसं तत्थ मग्गसच्चं नुप्पज्जति। सब्बेसं चित्तस्स भङ्गक्खणे तण्हाविप्पयुत्तमग्गविप्पयुत्तचित्तस्स उप्पादक्खणे असञ्ञसत्तानं तेसं तत्थ समुदयसच्चञ्च नुप्पज्जति मग्गसच्चञ्च नुप्पज्जति।
(ख) यस्स वा पन यत्थ मग्गसच्चं नुप्पज्जति तस्स तत्थ समुदयसच्चं नुप्पज्जतीति?
तण्हाय उप्पादक्खणे तेसं तत्थ मग्गसच्चं नुप्पज्जति, नो च तेसं तत्थ समुदयसच्चं नुप्पज्जति। सब्बेसं चित्तस्स भङ्गक्खणे मग्गविप्पयुत्ततण्हाविप्पयुत्तचित्तस्स उप्पादक्खणे असञ्ञसत्तानं तेसं तत्थ मग्गसच्चञ्च नुप्पज्जति समुदयसच्चञ्च नुप्पज्जति।
(२) अतीतवारो
(क) अनुलोमपुग्गलो
३८. (क) यस्स दुक्खसच्चं उप्पज्जित्थ तस्स समुदयसच्चं उप्पज्जित्थाति? आमन्ता।
(ख) यस्स वा पन समुदयसच्चं उप्पज्जित्थ तस्स दुक्खसच्चं उप्पज्जित्थाति? आमन्ता।
(क) यस्स दुक्खसच्चं उप्पज्जित्थ तस्स मग्गसच्चं उप्पज्जित्थाति?
अनभिसमेतावीनं तेसं दुक्खसच्चं उप्पज्जित्थ, नो च तेसं मग्गसच्चं उप्पज्जित्थ । अभिसमेतावीनं तेसं दुक्खसच्चञ्च उप्पज्जित्थ मग्गसच्चञ्च उप्पज्जित्थ।
(ख) यस्स वा पन…पे॰… उप्पज्जित्थाति? आमन्ता।
३९. (क) यस्स समुदयसच्चं उप्पज्जित्थ तस्स मग्गसच्चं उप्पज्जित्थाति?
अनभिसमेतावीनं तेसं समुदयसच्चं उप्पज्जित्थ, नो च तेसं मग्गसच्चं उप्पज्जित्थ। अभिसमेतावीनं तेसं समुदयसच्चञ्च उप्पज्जित्थ मग्गसच्चञ्च उप्पज्जित्थ।
(ख) यस्स वा पन…पे॰… उप्पज्जित्थाति? आमन्ता।
(ख) अनुलोमओकासो
४०. यत्थ दुक्खसच्चं उप्पज्जित्थ…पे॰…।
(यत्थकम्पि सब्बत्थ सदिसं। तन्तिनानाकरणं हेट्ठा यत्थकसदिसं)।
(ग) अनुलोमपुग्गलोकासा
४१. (क) यस्स यत्थ दुक्खसच्चं उप्पज्जित्थ तस्स तत्थ समुदयसच्चं उप्पज्जित्थाति?
सुद्धावासानं दुतिये चित्ते वत्तमाने असञ्ञसत्तानं तेसं तत्थ दुक्खसच्चं उप्पज्जित्थ, नो च तेसं तत्थ समुदयसच्चं उप्पज्जित्थ। इतरेसं चतुवोकारानं पञ्चवोकारानं तेसं तत्थ दुक्खसच्चञ्च उप्पज्जित्थ समुदयसच्चञ्च उप्पज्जित्थ।
(ख) यस्स वा पन यत्थ…पे॰… उप्पज्जित्थाति? आमन्ता।
(क) यस्स यत्थ दुक्खसच्चं उप्पज्जित्थ तस्स तत्थ मग्गसच्चं उप्पज्जित्थाति?
सुद्धावासानं दुतिये चित्ते वत्तमाने अनभिसमेतावीनं असञ्ञसत्तानं तेसं तत्थ दुक्खसच्चं उप्पज्जित्थ, नो च तेसं तत्थ मग्गसच्चं उप्पज्जित्थ। अभिसमेतावीनं तेसं तत्थ दुक्खसच्चञ्च उप्पज्जित्थ मग्गसच्चञ्च उप्पज्जित्थ।
(ख) यस्स वा पन यत्थ…पे॰… उप्पज्जित्थाति? आमन्ता।
४२. (क) यस्स यत्थ समुदयसच्चं उप्पज्जित्थ तस्स तत्थ मग्गसच्चं उप्पज्जित्थाति?
सुद्धावासानं दुतिये अकुसले चित्ते वत्तमाने अनभिसमेतावीनं तेसं तत्थ समुदयसच्चं उप्पज्जित्थ, नो च तेसं तत्थ मग्गसच्चं उप्पज्जित्थ। अभिसमेतावीनं तेसं तत्थ समुदयसच्चञ्च उप्पज्जित्थ मग्गसच्चञ्च उप्पज्जित्थ।
(ख) यस्स वा पन यत्थ…पे॰… उप्पज्जित्थाति? आमन्ता।
(घ) पच्चनीकपुग्गलो
४३. (क) यस्स दुक्खसच्चं नुप्पज्जित्थ तस्स समुदयसच्चं नुप्पज्जित्थाति? नत्थि।
(ख) यस्स वा पन…पे॰… नुप्पज्जित्थाति? नत्थि।
(क) यस्स दुक्खसच्चं नुप्पज्जित्थ तस्स मग्गसच्चं नुप्पज्जित्थाति? नत्थि।
(ख) यस्स वा पन मग्गसच्चं नुप्पज्जित्थ तस्स दुक्खसच्चं नुप्पज्जित्थाति? उप्पज्जित्थ।
४४. (क) यस्स समुदयसच्चं नुप्पज्जित्थ तस्स मग्गसच्चं नुप्पज्जित्थाति? नत्थि।
(ख) यस्स वा पन…पे॰… नुप्पज्जित्थाति? उप्पज्जित्थ।
(ङ) पच्चनीकओकासो
४५. यत्थ दुक्खसच्चं नुप्पज्जित्थ…पे॰…।
(च) पच्चनीकपुग्गलोकासा
४६. (क) यस्स यत्थ दुक्खसच्चं नुप्पज्जित्थ तस्स तत्थ समुदयसच्चं नुप्पज्जित्थाति? आमन्ता।
(ख) यस्स वा पन यत्थ समुदयसच्चं नुप्पज्जित्थ तस्स तत्थ दुक्खसच्चं नुप्पज्जित्थाति?
सुद्धावासानं दुतिये चित्ते वत्तमाने असञ्ञसत्तानं तेसं तत्थ समुदयसच्चं नुप्पज्जित्थ, नो च तेसं तत्थ दुक्खसच्चं नुप्पज्जित्थ। सुद्धावासं उपपज्जन्तानं तेसं तत्थ समुदयसच्चञ्च नुप्पज्जित्थ दुक्खसच्चञ्च नुप्पज्जित्थ।
(क) यस्स यत्थ दुक्खसच्चं नुप्पज्जित्थ तस्स तत्थ मग्गसच्चं नुप्पज्जित्थाति? आमन्ता।
(ख) यस्स वा पन यत्थ मग्गसच्चं नुप्पज्जित्थ तस्स तत्थ दुक्खसच्चं नुप्पज्जित्थाति?
सुद्धावासानं दुतिये चित्ते वत्तमाने अनभिसमेतावीनं असञ्ञसत्तानं तेसं तत्थ मग्गसच्चं नुप्पज्जित्थ, नो च तेसं तत्थ दुक्खसच्चं नुप्पज्जित्थ। सुद्धावासं उपपज्जन्तानं तेसं तत्थ मग्गसच्चञ्च नुप्पज्जित्थ दुक्खसच्चञ्च नुप्पज्जित्थ।
४७. (क) यस्स यत्थ समुदयसच्चं नुप्पज्जित्थ तस्स तत्थ मग्गसच्चं नुप्पज्जित्थाति? आमन्ता।
(ख) यस्स वा पन यत्थ मग्गसच्चं नुप्पज्जित्थ तस्स तत्थ समुदयसच्चं नुप्पज्जित्थाति?
सुद्धावासानं दुतिये अकुसले चित्ते वत्तमाने अनभिसमेतावीनं तेसं तत्थ मग्गसच्चं नुप्पज्जित्थ, नो च तेसं तत्थ समुदयसच्चं नुप्पज्जित्थ। सुद्धावासानं दुतिये चित्ते वत्तमाने असञ्ञसत्तानं तेसं तत्थ मग्गसच्चञ्च नुप्पज्जित्थ समुदयसच्चञ्च नुप्पज्जित्थ।
(३) अनागतवारो
(क) अनुलोमपुग्गलो
४८. (क) यस्स दुक्खसच्चं उप्पज्जिस्सति तस्स समुदयसच्चं उप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं दुक्खसच्चं उप्पज्जिस्सति, नो च तेसं समुदयसच्चं उप्पज्जिस्सति। इतरेसं तेसं दुक्खसच्चञ्च उप्पज्जिस्सति समुदयसच्चञ्च उप्पज्जिस्सति।
(ख) यस्स वा पन…पे॰…? आमन्ता।
(क) यस्स दुक्खसच्चं उप्पज्जिस्सति तस्स मग्गसच्चं उप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं दुक्खसच्चं उप्पज्जिस्सति, नो च तेसं मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं दुक्खसच्चञ्च उप्पज्जिस्सति मग्गसच्चञ्च उप्पज्जिस्सति।
(ख) यस्स वा पन…पे॰… उप्पज्जिस्सतीति? आमन्ता।
४९. (क) यस्स समुदयसच्चं उप्पज्जिस्सति तस्स मग्गसच्चं उप्पज्जिस्सतीति?
ये पुथुज्जना मग्गं न पटिलभिस्सन्ति तेसं समुदयसच्चं उप्पज्जिस्सति , नो च तेसं मग्गसच्चं उप्पज्जिस्सति। ये मग्गं पटिलभिस्सन्ति तेसं समुदयसच्चञ्च उप्पज्जिस्सति मग्गसच्चञ्च उप्पज्जिस्सति।
(ख) यस्स वा पन मग्गसच्चं उप्पज्जिस्सति तस्स समुदयसच्चं उप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तेसं मग्गसच्चं उप्पज्जिस्सति, नो च तेसं समुदयसच्चं उप्पज्जिस्सति। ये मग्गं पटिलभिस्सन्ति तेसं मग्गसच्चञ्च उप्पज्जिस्सति समुदयसच्चञ्च उप्पज्जिस्सति।
(ख) अनुलोमओकासो
५०. यत्थ दुक्खसच्चं उप्पज्जिस्सति…पे॰…।
(ग) अनुलोमपुग्गलोकासा
५१. (क) यस्स यत्थ दुक्खसच्चं उप्पज्जिस्सति तस्स तत्थ समुदयसच्चं उप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ दुक्खसच्चं उप्पज्जिस्सति, नो च तेसं तत्थ समुदयसच्चं उप्पज्जिस्सति। इतरेसं चतुवोकारानं पञ्चवोकारानं तेसं तत्थ दुक्खसच्चञ्च उप्पज्जिस्सति समुदयसच्चञ्च उप्पज्जिस्सति।
(ख) यस्स वा पन यत्थ समुदयसच्चं उप्पज्जिस्सति…पे॰… उप्पज्जिस्सतीति? आमन्ता।
(क) यस्स यत्थ दुक्खसच्चं उप्पज्जिस्सति तस्स तत्थ मग्गसच्चं उप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति आपायिकानं असञ्ञसत्तानं तेसं तत्थ दुक्खसच्चं उप्पज्जिस्सति, नो च तेसं तत्थ मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति, ये चञ्ञे मग्गं पटिलभिस्सन्ति तेसं तत्थ दुक्खसच्चञ्च उप्पज्जिस्सति मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ दुक्खसच्चं उप्पज्जिस्सतीति? आमन्ता।
५२. (क) यस्स यत्थ समुदयसच्चं उप्पज्जिस्सति तस्स तत्थ मग्गसच्चं उप्पज्जिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तत्थ समुदयसच्चं उप्पज्जिस्सति, नो च तेसं तत्थ मग्गसच्चं उप्पज्जिस्सति। ये मग्गं पटिलभिस्सन्ति तेसं तत्थ समुदयसच्चञ्च उप्पज्जिस्सति मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ समुदयसच्चं उप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तेसं तत्थ मग्गसच्चं उप्पज्जिस्सति , नो च तेसं तत्थ समुदयसच्चं उप्पज्जिस्सति। ये मग्गं पटिलभिस्सन्ति तेसं तत्थ मग्गसच्चञ्च उप्पज्जिस्सति समुदयसच्चञ्च उप्पज्जिस्सति।
(घ) पच्चनीकपुग्गलो
५३. (क) यस्स दुक्खसच्चं नुप्पज्जिस्सति तस्स समुदयसच्चं नुप्पज्जिस्सतीति? आमन्ता।
(ख) यस्स वा पन समुदयसच्चं नुप्पज्जिस्सति तस्स दुक्खसच्चं नुप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं नुप्पज्जिस्सति, नो च तेसं दुक्खसच्चं नुप्पज्जिस्सति। पच्छिमचित्तसमङ्गीनं तेसं समुदयसच्चञ्च नुप्पज्जिस्सति दुक्खसच्चञ्च नुप्पज्जिस्सति।
(क) यस्स दुक्खसच्चं नुप्पज्जिस्सति तस्स मग्गसच्चं नुप्पज्जिस्सतीति? आमन्ता।
(ख) यस्स वा पन मग्गसच्चं नुप्पज्जिस्सति तस्स दुक्खसच्चं नुप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं मग्गसच्चं नुप्पज्जिस्सति, नो च तेसं दुक्खसच्चं नुप्पज्जिस्सति। पच्छिमचित्तसमङ्गीनं तेसं मग्गसच्चञ्च नुप्पज्जिस्सति दुक्खसच्चञ्च नुप्पज्जिस्सति।
५४. (क) यस्स समुदयसच्चं नुप्पज्जिस्सति तस्स मग्गसच्चं नुप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं नुप्पज्जिस्सति, नो च तेसं मग्गसच्चं नुप्पज्जिस्सति। अग्गमग्गसमङ्गीनं अरहन्तानं तेसं समुदयसच्चञ्च नुप्पज्जिस्सति मग्गसच्चञ्च नुप्पज्जिस्सति।
(ख) यस्स वा पन मग्गसच्चं नुप्पज्जिस्सति तस्स समुदयसच्चं नुप्पज्जिस्सतीति?
ये पुथुज्जना मग्गं न पटिलभिस्सन्ति तेसं मग्गसच्चं नुप्पज्जिस्सति, नो च तेसं समुदयसच्चं नुप्पज्जिस्सति। अग्गमग्गसमङ्गीनं अरहन्तानं तेसं मग्गसच्चञ्च नुप्पज्जिस्सति समुदयसच्चञ्च नुप्पज्जिस्सति।
(ङ) पच्चनीकओकासो
५५. यत्थ दुक्खसच्चं नुप्पज्जिस्सति…पे॰…।
(च) पच्चनीकपुग्गलोकासा
५६. (क) यस्स यत्थ दुक्खसच्चं नुप्पज्जिस्सति तस्स तत्थ समुदयसच्चं नुप्पज्जिस्सतीति? आमन्ता।
(ख) यस्स वा पन यत्थ समुदयसच्चं नुप्पज्जिस्सति तस्स तत्थ दुक्खसच्चं नुप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ समुदयसच्चं नुप्पज्जिस्सति, नो च तेसं तत्थ दुक्खसच्चं नुप्पज्जिस्सति। पच्छिमचित्तसमङ्गीनं तेसं तत्थ समुदयसच्चञ्च नुप्पज्जिस्सति दुक्खसच्चञ्च नुप्पज्जिस्सति।
(क) यस्स यत्थ दुक्खसच्चं नुप्पज्जिस्सति तस्स तत्थ मग्गसच्चं नुप्पज्जिस्सतीति? आमन्ता।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ दुक्खसच्चं नुप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति आपायिकानं असञ्ञसत्तानं तेसं तत्थ मग्गसच्चं नुप्पज्जिस्सति, नो च तेसं तत्थ दुक्खसच्चं नुप्पज्जिस्सति। पच्छिमचित्तसमङ्गीनं तेसं तत्थ मग्गसच्चञ्च नुप्पज्जिस्सति दुक्खसच्चञ्च नुप्पज्जिस्सति।
५७. (क) यस्स यत्थ समुदयसच्चं नुप्पज्जिस्सति तस्स तत्थ मग्गसच्चं नुप्पज्जिस्सतीति ?
यस्स चित्तस्स अनन्तरा अग्गमग्गं पटिलभिस्सन्ति तेसं तत्थ समुदयसच्चं नुप्पज्जिस्सति, नो च तेसं तत्थ मग्गसच्चं नुप्पज्जिस्सति। अग्गमग्गसमङ्गीनं अरहन्तानं असञ्ञसत्तानं तेसं तत्थ समुदयसच्चञ्च नुप्पज्जिस्सति मग्गसच्चञ्च नुप्पज्जिस्सति।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ समुदयसच्चं नुप्पज्जिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तत्थ मग्गसच्चं नुप्पज्जिस्सति, नो च तेसं तत्थ समुदयसच्चं नुप्पज्जिस्सति। अग्गमग्गसमङ्गीनं अरहन्तानं असञ्ञसत्तानं तेसं तत्थ मग्गसच्चञ्च नुप्पज्जिस्सति समुदयसच्चञ्च नुप्पज्जिस्सति।
(४) पच्चुप्पन्नातीतवारो
(क) अनुलोमपुग्गलो
५८. (क) यस्स दुक्खसच्चं उप्पज्जति तस्स समुदयसच्चं उप्पज्जित्थाति? आमन्ता।
(ख) यस्स वा पन समुदयसच्चं उप्पज्जित्थ तस्स दुक्खसच्चं उप्पज्जतीति?
सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं समुदयसच्चं उप्पज्जित्थ, नो च तेसं दुक्खसच्चं उप्पज्जति। सब्बेसं उपपज्जन्तानं पवत्ते चित्तस्स उप्पादक्खणे तेसं समुदयसच्चञ्च उप्पज्जित्थ दुक्खसच्चञ्च उप्पज्जति।
(क) यस्स दुक्खसच्चं उप्पज्जति तस्स मग्गसच्चं उप्पज्जित्थाति? अनभिसमेतावीनं उपपज्जन्तानं पवत्ते चित्तस्स उप्पादक्खणे तेसं दुक्खसच्चं उप्पज्जति, नो च तेसं मग्गसच्चं उप्पज्जित्थ। अभिसमेतावीनं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च उप्पज्जति मग्गसच्चञ्च उप्पज्जित्थ।
(ख) यस्स वा पन मग्गसच्चं उप्पज्जित्थ तस्स दुक्खसच्चं उप्पज्जतीति?
अभिसमेतावीनं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं मग्गसच्चं उप्पज्जित्थ, नो च तेसं दुक्खसच्चं उप्पज्जति। अभिसमेतावीनं उपपज्जन्तानं पवत्ते चित्तस्स उप्पादक्खणे तेसं मग्गसच्चञ्च उप्पज्जित्थ दुक्खसच्चञ्च उप्पज्जति।
५९. (क) यस्स समुदयसच्चं उप्पज्जति तस्स मग्गसच्चं उप्पज्जित्थाति?
अनभिसमेतावीनं तण्हाय उप्पादक्खणे तेसं समुदयसच्चं उप्पज्जति, नो च तेसं मग्गसच्चं उप्पज्जित्थ। अभिसमेतावीनं तण्हाय उप्पादक्खणे तेसं समुदयसच्चञ्च उप्पज्जति मग्गसच्चञ्च उप्पज्जित्थ।
(ख) यस्स वा पन मग्गसच्चं उप्पज्जित्थ तस्स समुदयसच्चं उप्पज्जतीति?
अभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं तेसं मग्गसच्चं उप्पज्जित्थ, नो च तेसं समुदयसच्चं उप्पज्जति। अभिसमेतावीनं तण्हाय उप्पादक्खणे तेसं मग्गसच्चञ्च उप्पज्जित्थ समुदयसच्चञ्च उप्पज्जति।
(ख) अनुलोमओकासो
६०. यत्थ दुक्खसच्चं उप्पज्जति…पे॰… (यत्थका सदिसा सब्बे)।
(ग) अनुलोमपुग्गलोकासा
६१. (क) यस्स यत्थ दुक्खसच्चं उप्पज्जति तस्स तत्थ समुदयसच्चं उप्पज्जित्थाति?
सुद्धावासानं उपपत्तिचित्तस्स [उप्पत्तिचित्तस्स (स्या॰)] उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं उप्पज्जति, नो च तेसं तत्थ समुदयसच्चं उप्पज्जित्थ। इतरेसं चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चञ्च उप्पज्जति समुदयसच्चञ्च उप्पज्जित्थ।
(ख) यस्स वा पन यत्थ समुदयसच्चं उप्पज्जित्थ तस्स तत्थ दुक्खसच्चं उप्पज्जतीति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ समुदयसच्चं उप्पज्जित्थ, नो च तेसं तत्थ दुक्खसच्चं उप्पज्जति। चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ समुदयसच्चञ्च उप्पज्जित्थ दुक्खसच्चञ्च उप्पज्जति।
(क) यस्स यत्थ दुक्खसच्चं उप्पज्जति तस्स तत्थ मग्गसच्चं उप्पज्जित्थाति?
सुद्धावासानं उपपत्तिचित्तस्स उप्पादक्खणे अनभिसमेतावीनं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं उप्पज्जति, नो च तेसं तत्थ मग्गसच्चं उप्पज्जित्थ। अभिसमेतावीनं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चञ्च उप्पज्जति मग्गसच्चञ्च उप्पज्जित्थ।
(ख) यस्स वा पन यत्थ मग्गसच्चं उप्पज्जित्थ तस्स तत्थ दुक्खसच्चं उप्पज्जतीति?
अभिसमेतावीनं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ मग्गसच्चं उप्पज्जित्थ, नो च तेसं तत्थ दुक्खसच्चं उप्पज्जति। अभिसमेतावीनं उपपज्जन्तानं पवत्ते चित्तस्स उप्पादक्खणे तेसं तत्थ मग्गसच्चञ्च उप्पज्जित्थ दुक्खसच्चञ्च उप्पज्जति।
६२. (क) यस्स यत्थ समुदयसच्चं उप्पज्जति तस्स तत्थ मग्गसच्चं उप्पज्जित्थाति?
अनभिसमेतावीनं तण्हाय उप्पादक्खणे तेसं तत्थ समुदयसच्चं उप्पज्जति, नो च तेसं तत्थ मग्गसच्चं उप्पज्जित्थ। अभिसमेतावीनं तण्हाय उप्पादक्खणे तेसं तत्थ समुदयसच्चञ्च उप्पज्जति मग्गसच्चञ्च उप्पज्जित्थ।
(ख) यस्स वा पन यत्थ मग्गसच्चं उप्पज्जित्थ तस्स तत्थ समुदयसच्चं उप्पज्जतीति?
अभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ मग्गसच्चं उप्पज्जित्थ, नो च तेसं तत्थ समुदयसच्चं उप्पज्जति। अभिसमेतावीनं तण्हाय उप्पादक्खणे तेसं तत्थ मग्गसच्चञ्च उप्पज्जित्थ समुदयसच्चञ्च उप्पज्जति।
(घ) पच्चनीकपुग्गलो
६३. (क) यस्स दुक्खसच्चं नुप्पज्जति तस्स समुदयसच्चं नुप्पज्जित्थाति?
उप्पज्जित्थ।
(ख) यस्स वा पन समुदयसच्चं नुप्पज्जित्थ तस्स दुक्खसच्चं नुप्पज्जतीति? नत्थि।
(क) यस्स दुक्खसच्चं नुप्पज्जति तस्स मग्गसच्चं नुप्पज्जित्थाति?
अभिसमेतावीनं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चं नुप्पज्जति, नो च तेसं मग्गसच्चं नुप्पज्जित्थ। अनभिसमेतावीनं चवन्तानं पवत्ते चित्तस्स भङ्गक्खणे तेसं दुक्खसच्चञ्च नुप्पज्जति मग्गसच्चञ्च नुप्पज्जित्थ।
(ख) यस्स वा पन मग्गसच्चं नुप्पज्जित्थ तस्स दुक्खसच्चं नुप्पज्जतीति ?
अनभिसमेतावीनं उपपज्जन्तानं पवत्ते चित्तस्स उप्पादक्खणे तेसं मग्गसच्चं नुप्पज्जित्थ, नो च तेसं दुक्खसच्चं नुप्पज्जति। अनभिसमेतावीनं चवन्तानं पवत्ते चित्तस्स भङ्गक्खणे तेसं मग्गसच्चञ्च नुप्पज्जित्थ दुक्खसच्चञ्च नुप्पज्जति।
६४. (क) यस्स समुदयसच्चं नुप्पज्जति तस्स मग्गसच्चं नुप्पज्जित्थाति?
अभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं तेसं समुदयसच्चं नुप्पज्जति, नो च तेसं मग्गसच्चं नुप्पज्जित्थ। अनभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं समुदयसच्चञ्च नुप्पज्जति मग्गसच्चञ्च नुप्पज्जित्थ।
(ख) यस्स वा पन मग्गसच्चं नुप्पज्जित्थ तस्स समुदयसच्चं नुप्पज्जतीति?
अनभिसमेतावीनं तण्हाय उप्पादक्खणे तेसं मग्गसच्चं नुप्पज्जित्थ, नो च तेसं समुदयसच्चं नुप्पज्जति। अनभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं मग्गसच्चञ्च नुप्पज्जित्थ समुदयसच्चञ्च नुप्पज्जति।
(ङ) पच्चनीकओकासो
६५. यत्थ दुक्खसच्चं नुप्पज्जति…पे॰…।
(च) पच्चनीकपुग्गलोकासा
६६. (क) यस्स यत्थ दुक्खसच्चं नुप्पज्जति तस्स तत्थ समुदयसच्चं नुप्पज्जित्थाति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ समुदयसच्चं नुप्पज्जित्थ। सुद्धावासानं उपपत्तिचित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चञ्च नुप्पज्जति समुदयसच्चञ्च नुप्पज्जित्थ।
(ख) यस्स वा पन यत्थ समुदयसच्चं नुप्पज्जित्थ तस्स तत्थ दुक्खसच्चं नुप्पज्जतीति?
सुद्धावासानं उपपत्तिचित्तस्स उप्पादक्खणे असञ्ञसत्तं उपपज्जन्तानं तेसं तत्थ समुदयसच्चं नुप्पज्जित्थ, नो च तेसं तत्थ दुक्खसच्चं नुप्पज्जति। सुद्धावासानं उपपत्तिचित्तस्स भङ्गक्खणे असञ्ञसत्ता चवन्तानं तेसं तत्थ समुदयसच्चञ्च नुप्पज्जित्थ दुक्खसच्चञ्च नुप्पज्जति।
(क) यस्स यत्थ दुक्खसच्चं नुप्पज्जति तस्स तत्थ मग्गसच्चं नुप्पज्जित्थाति?
अभिसमेतावीनं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ मग्गसच्चं नुप्पज्जित्थ। सुद्धावासानं उपपत्तिचित्तस्स भङ्गक्खणे अनभिसमेतावीनं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चञ्च नुप्पज्जति मग्गसच्चञ्च नुप्पज्जित्थ।
(ख) यस्स वा पन यत्थ मग्गसच्चं नुप्पज्जित्थ तस्स तत्थ दुक्खसच्चं नुप्पज्जतीति?
सुद्धावासानं उपपत्तिचित्तस्स उप्पादक्खणे अनभिसमेतावीनं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ मग्गसच्चं नुप्पज्जित्थ, नो च तेसं तत्थ दुक्खसच्चं नुप्पज्जति। सुद्धावासानं उपपत्तिचित्तस्स भङ्गक्खणे अनभिसमेतावीनं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ मग्गसच्चञ्च नुप्पज्जित्थ दुक्खसच्चञ्च नुप्पज्जति।
६७. (क) यस्स यत्थ समुदयसच्चं नुप्पज्जति तस्स तत्थ मग्गसच्चं नुप्पज्जित्थाति?
अभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ समुदयसच्चं नुप्पज्जति, नो च तेसं तत्थ मग्गसच्चं नुप्पज्जित्थ। सुद्धावासानं दुतिये चित्ते वत्तमाने अनभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ समुदयसच्चञ्च नुप्पज्जति मग्गसच्चञ्च नुप्पज्जित्थ।
(ख) यस्स वा पन यत्थ मग्गसच्चं नुप्पज्जित्थ तस्स तत्थ समुदयसच्चं नुप्पज्जतीति?
अनभिसमेतावीनं तण्हाय उप्पादक्खणे तेसं तत्थ मग्गसच्चं नुप्पज्जित्थ, नो च तेसं तत्थ समुदयसच्चं नुप्पज्जति। सुद्धावासानं दुतिये चित्ते वत्तमाने अनभिसमेतावीनं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ मग्गसच्चञ्च नुप्पज्जित्थ समुदयसच्चञ्च नुप्पज्जति।
(५) पच्चुप्पन्नानागतवारो
(क) अनुलोमपुग्गलो
६८. (क) यस्स दुक्खसच्चं उप्पज्जति तस्स समुदयसच्चं उप्पज्जिस्सतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे तेसं दुक्खसच्चं उप्पज्जति, नो च तेसं समुदयसच्चं उप्पज्जिस्सति । इतरेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च उप्पज्जति समुदयसच्चञ्च उप्पज्जिस्सति।
(ख) यस्स वा पन समुदयसच्चं उप्पज्जिस्सति तस्स दुक्खसच्चं उप्पज्जतीति?
सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं समुदयसच्चं उप्पज्जिस्सति, नो च तेसं दुक्खसच्चं उप्पज्जति। सब्बेसं उपपज्जन्तानं पवत्ते चित्तस्स उप्पादक्खणे तेसं समुदयसच्चञ्च उप्पज्जिस्सति दुक्खसच्चञ्च उप्पज्जति।
(क) यस्स दुक्खसच्चं उप्पज्जति तस्स मग्गसच्चं उप्पज्जिस्सतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चं उप्पज्जति, नो च तेसं मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च उप्पज्जति मग्गसच्चञ्च उप्पज्जिस्सति।
(ख) यस्स वा पन मग्गसच्चं उप्पज्जिस्सति तस्स दुक्खसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं मग्गसच्चं उप्पज्जिस्सति, नो च तेसं दुक्खसच्चं उप्पज्जति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं मग्गसच्चञ्च उप्पज्जिस्सति दुक्खसच्चञ्च उप्पज्जति।
६९. (क) यस्स समुदयसच्चं उप्पज्जति तस्स मग्गसच्चं उप्पज्जिस्सतीति?
ये पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं समुदयसच्चं उप्पज्जति, नो च तेसं मग्गसच्चं उप्पज्जिस्सति। ये मग्गं पटिलभिस्सन्ति तेसं तण्हाय उप्पादक्खणे तेसं समुदयसच्चञ्च उप्पज्जति मग्गसच्चञ्च उप्पज्जिस्सति।
(ख) यस्स वा पन मग्गसच्चं उप्पज्जिस्सति तस्स समुदयसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति ये [पटिलभिस्सन्ति तस्स चित्तस्स उप्पादक्खणे ये (सी॰ स्या॰) पुग्गलोकासवारेपि] चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं मग्गसच्चं उप्पज्जिस्सति, नो च तेसं समुदयसच्चं उप्पज्जति। ये मग्गं पटिलभिस्सन्ति तेसं तण्हाय उप्पादक्खणे तेसं मग्गसच्चञ्च उप्पज्जिस्सति समुदयसच्चञ्च उप्पज्जति।
(ख) अनुलोमओकासो
७०. यत्थ दुक्खसच्चं उप्पज्जति…पे॰… (यत्थकम्पि यस्सयत्थकसदिसं कातब्बं)।
(ग) अनुलोमपुग्गलोकासा
७१. (क) यस्स यत्थ दुक्खसच्चं उप्पज्जति तस्स तत्थ समुदयसच्चं उप्पज्जिस्सतीति ?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं उप्पज्जति, नो च तेसं तत्थ समुदयसच्चं उप्पज्जिस्सति। इतरेसं चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चञ्च उप्पज्जति समुदयसच्चञ्च उप्पज्जिस्सति।
(ख) यस्स वा पन यत्थ समुदयसच्चं उप्पज्जिस्सति तस्स तत्थ दुक्खसच्चं उप्पज्जतीति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ समुदयसच्चं उप्पज्जिस्सति, नो च तेसं तत्थ दुक्खसच्चं उप्पज्जति। चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ समुदयसच्चञ्च उप्पज्जिस्सति दुक्खसच्चञ्च उप्पज्जति।
(क) यस्स यत्थ दुक्खसच्चं उप्पज्जति तस्स तत्थ मग्गसच्चं उप्पज्जिस्सतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं उप्पज्जति, नो च तेसं तत्थ मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चञ्च उप्पज्जति मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ दुक्खसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ मग्गसच्चं उप्पज्जिस्सति, नो च तेसं तत्थ दुक्खसच्चं उप्पज्जति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं तत्थ मग्गसच्चञ्च उप्पज्जिस्सति दुक्खसच्चञ्च उप्पज्जति।
७२. (क) यस्स यत्थ समुदयसच्चं उप्पज्जति तस्स तत्थ मग्गसच्चं उप्पज्जिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं तत्थ समुदयसच्चं उप्पज्जति, नो च तेसं तत्थ मग्गसच्चं उप्पज्जिस्सति। ये मग्गं पटिलभिस्सन्ति तेसं तण्हाय उप्पादक्खणे तेसं तत्थ समुदयसच्चञ्च उप्पज्जति मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ समुदयसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ मग्गसच्चं उप्पज्जिस्सति, नो च तेसं तत्थ समुदयसच्चं उप्पज्जति। ये मग्गं पटिलभिस्सन्ति तेसं तण्हाय उप्पादक्खणे तेसं तत्थ मग्गसच्चञ्च उप्पज्जिस्सति समुदयसच्चञ्च उप्पज्जति।
(घ) पच्चनीकपुग्गलो
७३. (क) यस्स दुक्खसच्चं नुप्पज्जति तस्स समुदयसच्चं नुप्पज्जिस्सतीति?
सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चं नुप्पज्जति, नो च तेसं समुदयसच्चं नुप्पज्जिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं दुक्खसच्चञ्च नुप्पज्जति समुदयसच्चञ्च नुप्पज्जिस्सति।
(ख) यस्स वा पन समुदयसच्चं नुप्पज्जिस्सति तस्स दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे तेसं समुदयसच्चं नुप्पज्जिस्सति, नो च तेसं दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं समुदयसच्चञ्च नुप्पज्जिस्सति दुक्खसच्चञ्च नुप्पज्जति।
(क) यस्स दुक्खसच्चं नुप्पज्जति तस्स मग्गसच्चं नुप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चं नुप्पज्जति, नो च तेसं मग्गसच्चं नुप्पज्जिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं दुक्खसच्चञ्च नुप्पज्जति मग्गसच्चञ्च नुप्पज्जिस्सति।
(ख) यस्स वा पन मग्गसच्चं नुप्पज्जिस्सति तस्स दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं मग्गसच्चं नुप्पज्जिस्सति, नो च तेसं दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं मग्गसच्चञ्च नुप्पज्जिस्सति दुक्खसच्चञ्च नुप्पज्जति।
७४. (क) यस्स समुदयसच्चं नुप्पज्जति तस्स मग्गसच्चं नुप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सान्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं समुदयसच्चं नुप्पज्जति, नो च तेसं मग्गसच्चं नुप्पज्जिस्सति। अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं समुदयसच्चञ्च नुप्पज्जति मग्गसच्चञ्च नुप्पज्जिस्सति।
(ख) यस्स वा पन मग्गसच्चं नुप्पज्जिस्सति तस्स समुदयसच्चं नुप्पज्जतीति?
ये पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं मग्गसच्चं नुप्पज्जिस्सति, नो च तेसं समुदयसच्चं नुप्पज्जति। अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं मग्गसच्चञ्च नुप्पज्जिस्सति समुदयसच्चञ्च नुप्पज्जति।
(ङ) पच्चनीकओकासो
७५. यत्थ दुक्खसच्चं नुप्पज्जति…पे॰…।
(च) पच्चनीकपुग्गलोकासा
७६. (क) यस्स यत्थ दुक्खसच्चं नुप्पज्जति तस्स तत्थ समुदयसच्चं नुप्पज्जिस्सतीति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ समुदयसच्चं नुप्पज्जिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे असञ्ञसत्ता चवन्तानं अरूपे अग्गमग्गस्स च फलस्स च उप्पादक्खणे तेसं तत्थ दुक्खसच्चञ्च नुप्पज्जति समुदयसच्चञ्च नुप्पज्जिस्सति।
(ख) यस्स वा पन यत्थ समुदयसच्चं नुप्पज्जिस्सति तस्स तत्थ दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे असञ्ञसत्तं उपपज्जन्तानं तेसं तत्थ समुदयसच्चं नुप्पज्जिस्सति, नो च तेसं तत्थ दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे असञ्ञसत्ता चवन्तानं तेसं तत्थ समुदयसच्चञ्च नुप्पज्जिस्सति दुक्खसच्चञ्च नुप्पज्जति।
(क) यस्स यत्थ दुक्खसच्चं नुप्पज्जति तस्स तत्थ मग्गसच्चं नुप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ मग्गसच्चं नुप्पज्जिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे असञ्ञत्ता चवन्तानं अरूपे अग्गमग्गस्स च फलस्स च उप्पादक्खणे असञ्ञसत्ता चवन्तानं तेसं तत्थ दुक्खसच्चञ्च नुप्पज्जति मग्गसच्चञ्च नुप्पज्जिस्सति।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ मग्गसच्चं नुप्पज्जिस्सति, नो च तेसं तत्थ दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे असञ्ञसत्ता चवन्तानं तेसं तत्थ मग्गसच्चञ्च नुप्पज्जिस्सति दुक्खसच्चञ्च नुप्पज्जति।
७७. (क) यस्स यत्थ समुदयसच्चं नुप्पज्जति तस्स तत्थ मग्गसच्चं नुप्पज्जिस्सतीति?
यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ समुदयसच्चं नुप्पज्जति, नो च तेसं तत्थ मग्गसच्चं नुप्पज्जिस्सति। अग्गमग्गसमङ्गीनं अरहन्तानं, आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ समुदयसच्चञ्च नुप्पज्जति मग्गसच्चञ्च नुप्पज्जिस्सति।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ समुदयसच्चं नुप्पज्जतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं तत्थ मग्गसच्चं नुप्पज्जिस्सति, नो च तेसं तत्थ समुदयसच्चं नुप्पज्जति। अग्गमग्गसमङ्गीनं अरहन्तानं आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ मग्गसच्चञ्च नुप्पज्जिस्सति समुदयसच्चञ्च नुप्पज्जति।
(६) अतीतानागतवारो
(क) अनुलोमपुग्गलो
७८. (क) यस्स दुक्खसच्चं उप्पज्जित्थ तस्स समुदयसच्चं उप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं दुक्खसच्चं उप्पज्जित्थ, नो च तेसं समुदयसच्चं उप्पज्जिस्सति। इतरेसं तेसं दुक्खसच्चञ्च उप्पज्जित्थ समुदयसच्चञ्च उप्पज्जिस्सति।
(ख) यस्स वा पन समुदयसच्चं उप्पज्जिस्सति तस्स दुक्खसच्चं उप्पज्जित्थाति? आमन्ता।
(क) यस्स दुक्खसच्चं उप्पज्जित्थ तस्स मग्गसच्चं उप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं दुक्खसच्चं उप्पज्जित्थ, नो च तेसं मग्गसच्चं उप्पज्जिस्सति । यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं दुक्खसच्चञ्च उप्पज्जित्थ मग्गसच्चञ्च उप्पज्जिस्सति।
(ख) यस्स वा पन…पे॰…? आमन्ता।
७९. (क) यस्स समुदयसच्चं उप्पज्जित्थ तस्स मग्गसच्चं उप्पज्जिस्सतीति ? अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति तेसं समुदयसच्चं उप्पज्जित्थ, नो च तेसं मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति, ये चञ्ञे मग्गं पटिलभिस्सन्ति तेसं समुदयसच्चञ्च उप्पज्जित्थ मग्गसच्चञ्च उप्पज्जिस्सति।
(ख) यस्स वा पन…पे॰…? आमन्ता।
(ख) अनुलोमओकासो
८०. यत्थ दुक्खसच्चं उप्पज्जित्थ…पे॰…।
(ग) अनुलोमपुग्गलोकासा
८१. (क) यस्स यत्थ दुक्खसच्चं उप्पज्जित्थ तस्स तत्थ समुदयसच्चं उप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ दुक्खसच्चं उप्पज्जित्थ, नो च तेसं तत्थ समुदयसच्चं उप्पज्जिस्सति। इतरेसं चतुवोकारानं पञ्चवोकारानं तेसं तत्थ दुक्खसच्चञ्च उप्पज्जित्थ समुदयसच्चञ्च उप्पज्जिस्सति।
(ख) यस्स वा पन यत्थ समुदयसच्चं उप्पज्जिस्सति तस्स तत्थ दुक्खसच्चं उप्पज्जित्थाति?
सुद्धावासं उपपज्जन्तानं तेसं तत्थ समुदयसच्चं उप्पज्जिस्सति, नो च तेसं तत्थ दुक्खसच्चं उप्पज्जित्थ। इतरेसं चतुवोकारानं पञ्चवोकारानं तेसं तत्थ समुदयसच्चञ्च उप्पज्जिस्सति दुक्खसच्चञ्च उप्पज्जित्थ।
(क) यस्स यत्थ दुक्खसच्चं उप्पज्जित्थ तस्स तत्थ मग्गसच्चं उप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति आपायिकानं असञ्ञसत्तानं तेसं तत्थ दुक्खसच्चं उप्पज्जित्थ, नो च तेसं तत्थ मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ दुक्खसच्चञ्च उप्पज्जित्थ मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ दुक्खसच्चं उप्पज्जित्थाति?
सुद्धावासं उपपज्जन्तानं तेसं तत्थ मग्गसच्चं उप्पज्जिस्सति, नो च तेसं तत्थ दुक्खसच्चं उप्पज्जित्थ। यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ मग्गसच्चञ्च उप्पज्जिस्सति दुक्खसच्चञ्च उप्पज्जित्थ।
८२. (क) यस्स यत्थ समुदयसच्चं उप्पज्जित्थ तस्स तत्थ मग्गसच्चं उप्पज्जिस्सतीति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति आपायिकानं तेसं तत्थ समुदयसच्चं उप्पज्जित्थ, नो च तेसं तत्थ मग्गसच्चं उप्पज्जिस्सति। यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ समुदयसच्चञ्च उप्पज्जित्थ मग्गसच्चञ्च उप्पज्जिस्सति।
(ख) यस्स वा पन यत्थ मग्गसच्चं उप्पज्जिस्सति तस्स तत्थ समुदयसच्चं उप्पज्जित्थाति?
सुद्धावासानं दुतिये चित्ते वत्तमाने तेसं तत्थ मग्गसच्चं उप्पज्जिस्सति, नो च तेसं तत्थ समुदयसच्चं उप्पज्जित्थ। यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ मग्गसच्चञ्च उप्पज्जिस्सति समुदयसच्चञ्च उप्पज्जित्थ।
(घ) पच्चनीकपुग्गलो
८३. (क) यस्स दुक्खसच्चं नुप्पज्जित्थ तस्स समुदयसच्चं नुप्पज्जिस्सतीति? नत्थि।
(ख) यस्स वा पन समुदयसच्चं नुप्पज्जिस्सति तस्स दुक्खसच्चं नुप्पज्जित्थाति? उप्पज्जित्थ।
(क) यस्स दुक्खसच्चं नुप्पज्जित्थ तस्स मग्गसच्चं नुप्पज्जिस्सतीति? नत्थि।
(ख) यस्स वा पन मग्गसच्चं नुप्पज्जिस्सति तस्स दुक्खसच्चं नुप्पज्जित्थाति? उप्पज्जित्थ।
८४. (क) यस्स समुदयसच्चं नुप्पज्जित्थ तस्स मग्गसच्चं नुप्पज्जिस्सतीति? नत्थि।
(ख) यस्स वा पन मग्गसच्चं नुप्पज्जिस्सति तस्स समुदयसच्चं नुप्पज्जित्थाति? उप्पज्जित्थ।
(ङ) पच्चनीकओकासो
८५. यत्थ दुक्खसच्चं नुप्पज्जित्थ…पे॰…।
(च) पच्चनीकपुग्गलोकासा
८६. (क) यस्स यत्थ दुक्खसच्चं नुप्पज्जित्थ तस्स तत्थ समुदयसच्चं नुप्पज्जिस्सतीति? उप्पज्जिस्सति।
(ख) यस्स वा पन यत्थ समुदयसच्चं नुप्पज्जिस्सति तस्स तत्थ दुक्खसच्चं नुप्पज्जित्थाति? उप्पज्जित्थ।
(क) यस्स यत्थ दुक्खसच्चं नुप्पज्जित्थ तस्स तत्थ मग्गसच्चं नुप्पज्जिस्सतीति? उप्पज्जिस्सति।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ दुक्खसच्चं नुप्पज्जित्थाति? उप्पज्जित्थ।
८७. (क) यस्स यत्थ समुदयसच्चं नुप्पज्जित्थ तस्स तत्थ मग्गसच्चं नुप्पज्जिस्सतीति?
सुद्धावासानं दुतिये चित्ते वत्तमाने तेसं तत्थ समुदयसच्चं नुप्पज्जित्थ, नो च तेसं तत्थ मग्गसच्चं नुप्पज्जिस्सति। असञ्ञसत्तानं तेसं तत्थ समुदयसच्चञ्च नुप्पज्जित्थ मग्गसच्चञ्च नुप्पज्जिस्सति।
(ख) यस्स वा पन यत्थ मग्गसच्चं नुप्पज्जिस्सति तस्स तत्थ समुदयसच्चं नुप्पज्जित्थाति?
अग्गमग्गसमङ्गीनं अरहन्तानं ये च पुथुज्जना मग्गं न पटिलभिस्सन्ति आपायिकानं तेसं तत्थ मग्गसच्चं नुप्पज्जिस्सति, नो च तेसं तत्थ समुदयसच्चं नुप्पज्जित्थ। असञ्ञसत्तानं तेसं तत्थ मग्गसच्चञ्च नुप्पज्जिस्सति समुदयसच्चञ्च नुप्पज्जित्थ।
उप्पादवारो।
२. पवत्ति २. निरोधवारो
(१) पच्चुप्पन्नवारो
(क) अनुलोमपुग्गलो
८८. (क) यस्स दुक्खसच्चं निरुज्झति तस्स समुदयसच्चं निरुज्झतीति?
सब्बेसं चवन्तानं पवत्ते तण्हाविप्पयुत्तचित्तस्स भङ्गक्खणे तेसं दुक्खसच्चं निरुज्झति, नो च तेसं समुदयसच्चं निरुज्झति। तण्हाय भङ्गक्खणे तेसं दुक्खसच्चञ्च निरुज्झति समुदयसच्चञ्च निरुज्झति।
(ख) यस्स वा पन समुदयसच्चं निरुज्झति तस्स दुक्खसच्चं निरुज्झतीति? आमन्ता।
(क) यस्स दुक्खसच्चं निरुज्झति तस्स मग्गसच्चं निरुज्झतीति?
सब्बेसं चवन्तानं पवत्ते मग्गविप्पयुत्तचित्तस्स भङ्गक्खणे तेसं दुक्खसच्चं निरुज्झति, नो च तेसं मग्गसच्चं निरुज्झति। पञ्चवोकारे मग्गस्स भङ्गक्खणे तेसं दुक्खसच्चञ्च निरुज्झति मग्गसच्चञ्च निरुज्झति ।
(ख) यस्स वा पन मग्गसच्चं निरुज्झति तस्स दुक्खसच्चं निरुज्झतीति?
अरूपे मग्गस्स भङ्गक्खणे तेसं मग्गसच्चं निरुज्झति, नो च तेसं दुक्खसच्चं निरुज्झति। पञ्चवोकारे मग्गस्स भङ्गक्खणे तेसं मग्गसच्चञ्च निरुज्झति दुक्खसच्चञ्च निरुज्झति।
८९. (क) यस्स समुदयसच्चं निरुज्झति तस्स मग्गसच्चं निरुज्झतीति? नो।
(ख) यस्स वा पन मग्गसच्चं निरुज्झति तस्स समुदयसच्चं निरुज्झतीति? नो।
(ख) अनुलोमओकासो
९०. यत्थ दुक्खसच्चं निरुज्झति तत्थ समुदयसच्चं निरुज्झतीति?
असञ्ञसत्ते तत्थ दुक्खसच्चं निरुज्झति…पे॰…।
(यत्थकं उप्पादेपि निरोधेपि उप्पादनिरोधेपि सदिसं, नत्थि नानाकरणं)।
(ग) अनुलोमपुग्गलोकासा
९१. यस्स यत्थ दुक्खसच्चं निरुज्झति…पे॰…।
(यस्सयत्थकम्पि सदिसं वित्थारेतब्बं)।
(घ) पच्चनीकपुग्गलो
९२. (क) यस्स दुक्खसच्चं न निरुज्झति तस्स समुदयसच्चं न निरुज्झतीति? आमन्ता।
(ख) यस्स वा पन समुदयसच्चं न निरुज्झति तस्स दुक्खसच्चं न निरुज्झतीति?
सब्बेसं चवन्तानं पवत्ते तण्हाविप्पयुत्तचित्तस्स भङ्गक्खणे तेसं समुदयसच्चं न निरुज्झति, नो च तेसं दुक्खसच्चं न निरुज्झति। सब्बेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं समुदयसच्चञ्च न निरुज्झति दुक्खसच्चञ्च न निरुज्झति।
(क) यस्स दुक्खसच्चं न निरुज्झति तस्स मग्गसच्चं न निरुज्झतीति?
अरूपे मग्गस्स भङ्गक्खणे तेसं दुक्खसच्चं न निरुज्झति, नो च तेसं मग्गसच्चं न निरुज्झति। सब्बेसं उपपज्जन्तानं पवत्ते चित्तस्स उप्पादक्खणे अरूपे फलस्स भङ्गक्खणे तेसं दुक्खसच्चञ्च न निरुज्झति मग्गसच्चञ्च न निरुज्झति।
(ख) यस्स वा पन मग्गसच्चं न निरुज्झति तस्स दुक्खसच्चं न निरुज्झतीति?
सब्बेसं चवन्तानं पवत्ते मग्गविप्पयुत्तचित्तस्स भङ्गक्खणे तेसं मग्गसच्चं न निरुज्झति, नो च तेसं दुक्खसच्चं न निरुज्झति। सब्बेसं उपपज्जन्तानं पवत्ते चित्तस्स उप्पादक्खणे अरूपे फलस्स भङ्गक्खणे तेसं मग्गसच्चञ्च न निरुज्झति दुक्खसच्चञ्च न निरुज्झति।
९३. (क) यस्स समुदयसच्चं न निरुज्झति तस्स मग्गसच्चं न निरुज्झतीति?
मग्गस्स भङ्गक्खणे तेसं समुदयसच्चं न निरुज्झति, नो च तेसं मग्गसच्चं न निरुज्झति। सब्बेसं चित्तस्स उप्पादक्खणे तण्हाविप्पयुत्तमग्गविप्पयुत्तचित्तस्स भङ्गक्खणे निरोधसमापन्नानं असञ्ञसत्तानं तेसं समुदयसच्चञ्च न निरुज्झति मग्गसच्चञ्च न निरुज्झति।
(ख) यस्स वा पन मग्गसच्चं न निरुज्झति तस्स समुदयसच्चं न निरुज्झतीति?
तण्हाय भङ्गक्खणे तेसं मग्गसच्चं न निरुज्झति, नो च तेसं समुदयसच्चं न निरुज्झति। सब्बेसं चित्तस्स उप्पादक्खणे मग्गविप्पयुत्ततण्हाविप्पयुत्तचित्तस्स भङ्गक्खणे निरोधसमापन्नानं असञ्ञसत्तानं तेसं मग्गसच्चञ्च न निरुज्झति समुदयसच्चञ्च न निरुज्झति।
(ङ) पच्चनीकओकासो
९४. यत्थ दुक्खसच्चं न निरुज्झति…पे॰…।
(च) पच्चनीकपुग्गलोकासा
९५. यस्स यत्थ दुक्खसच्चं न निरुज्झति…पे॰…।
(यस्सकम्पि [यस्सकम्पि यत्थकम्पि (सी॰ स्या॰)] यस्सयत्थकम्पि सदिसं, यस्सयत्थकेपि निरोधसमापन्नानन्ति चेतं न कातब्बं)।
(२) अतीतवारो
(क) अनुलोमपुग्गलो
९६. यस्स दुक्खसच्चं निरुज्झित्थ तस्स समुदयसच्चं निरुज्झित्थाति? आमन्ता।
(यथा उप्पादवारे अतीता पुच्छा अनुलोमम्पि पच्चनीकम्पि विभत्ता एवं निरोधेपि विभजितब्बा, नत्थि नानाकरणं)।
(३) अनागतवारो
(क) अनुलोमपुग्गलो
९७. (क) यस्स दुक्खसच्चं निरुज्झिस्सति तस्स समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति [पटिलभिस्सन्ति तस्स चित्तस्स उप्पादक्खणे (सी॰ स्या॰) उप्पादवारे पन पाठन्तरं नत्थि] तेसं दुक्खसच्चं निरुज्झिस्सति, नो च तेसं समुदयसच्चं निरुज्झिस्सति। इतरेसं तेसं दुक्खसच्चञ्च निरुज्झिस्सति समुदयसच्चञ्च निरुज्झिस्सति।
(ख) यस्स वा पन…पे॰…? आमन्ता।
(क) यस्स दुक्खसच्चं निरुज्झिस्सति तस्स मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं दुक्खसच्चं निरुज्झिस्सति, नो च तेसं मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं दुक्खसच्चञ्च निरुज्झिस्सति मग्गसच्चञ्च निरुज्झिस्सति।
(ख) यस्स वा पन…पे॰… । आमन्ता।
९८. (क) यस्स समुदयसच्चं निरुज्झिस्सति तस्स मग्गसच्चं निरुज्झिस्सतीति?
ये पुथुज्जना मग्गं न पटिलभिस्सन्ति तेसं समुदयसच्चं निरुज्झिस्सति, नो च तेसं मग्गसच्चं निरुज्झिस्सति। ये मग्गं पटिलभिस्सन्ति तेसं समुदयसच्चञ्च निरुज्झिस्सति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स समुदयसच्चं निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तेसं मग्गसच्चं निरुज्झिस्सति, नो च तेसं समुदयसच्चं निरुज्झिस्सति। ये मग्गं पटिलभिस्सन्ति तेसं मग्गसच्चञ्च निरुज्झिस्सति समुदयसच्चञ्च निरुज्झिस्सति।
(ख) अनुलोमओकासो
९९. यत्थ दुक्खसच्चं निरुज्झिस्सति…पे॰…।
(ग) अनुलोमपुग्गलोकासा
१००. यस्स यत्थ दुक्खसच्चं निरुज्झिस्सति तस्स तत्थ समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ दुक्खसच्चं निरुज्झिस्सति, नो च तेसं तत्थ समुदयसच्चं निरुज्झिस्सति। इतरेसं चतुवोकारानं पञ्चवोकारानं तेसं तत्थ दुक्खसच्चञ्च निरुज्झिस्सति समुदयसच्चञ्च निरुज्झिस्सति…पे॰…।
(यस्सकम्पि यस्सयत्थकम्पि सदिसं)।
(घ) पच्चनीकपुग्गलो
१०१. (क) यस्स दुक्खसच्चं न निरुज्झिस्सति तस्स समुदयसच्चं न निरुज्झिस्सतीति? आमन्ता।
(ख) यस्स वा पन समुदयसच्चं न निरुज्झिस्सति तस्स दुक्खसच्चं न निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं न निरुज्झिस्सति, नो च तेसं दुक्खसच्चं न निरुज्झिस्सति। पच्छिमचित्तस्स भङ्गक्खणे तेसं समुदयसच्चञ्च न निरुज्झिस्सति दुक्खसच्चञ्च न निरुज्झिस्सति।
(क) यस्स दुक्खसच्चं न निरुज्झिस्सति तस्स मग्गसच्चं न निरुज्झिस्सतीति? आमन्ता।
(ख) यस्स वा पन मग्गसच्चं न निरुज्झिस्सति तस्स दुक्खसच्चं न निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं मग्गसच्चं न निरुज्झिस्सति, नो च तेसं दुक्खसच्चं न निरुज्झिस्सति। पच्छिमचित्तस्स भङ्गक्खणे तेसं मग्गसच्चञ्च न निरुज्झिस्सति दुक्खसच्चञ्च न निरुज्झिस्सति।
१०२. (क) यस्स समुदयसच्चं न निरुज्झिस्सति तस्स मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं न निरुज्झिस्सति, नो च तेसं मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं तेसं समुदयसच्चञ्च न निरुज्झिस्सति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स समुदयसच्चं न निरुज्झिस्सतीति?
ये पुथुज्जना मग्गं न पटिलभिस्सन्ति तेसं मग्गसच्चं न निरुज्झिस्सति, नो च तेसं समुदयसच्चं न निरुज्झिस्सति। अग्गमग्गस्स भङ्गक्खणे अरहन्तानं तेसं मग्गसच्चञ्च न निरुज्झिस्सति समुदयसच्चञ्च न निरुज्झिस्सति।
(ङ) पच्चनीकओकासो
१०३. यत्थ दुक्खसच्चं न निरुज्झिस्सति…पे॰…।
(च) पच्चनीकपुग्गलोकासा
१०४. (क) यस्स यत्थ दुक्खसच्चं न निरुज्झिस्सति तस्स तत्थ समुदयसच्चं न निरुज्झिस्सतीति? आमन्ता।
(ख) यस्स वा पन यत्थ समुदयसच्चं न निरुज्झिस्सति तस्स तत्थ दुक्खसच्चं न निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ समुदयसच्चं न निरुज्झिस्सति, नो च तेसं तत्थ दुक्खसच्चं न निरुज्झिस्सति। पच्छिमचित्तस्स भङ्गक्खणे तेसं तत्थ समुदयसच्चञ्च न निरुज्झिस्सति दुक्खसच्चञ्च न निरुज्झिस्सति।
(क) यस्स यत्थ दुक्खसच्चं न निरुज्झिस्सति तस्स तत्थ मग्गसच्चं न निरुज्झिस्सतीति? आमन्ता।
(ख) यस्स वा पन यत्थ मग्गसच्चं न निरुज्झिस्सति तस्स तत्थ दुक्खसच्चं न निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति आपायिकानं असञ्ञसत्तानं तेसं तत्थ मग्गसच्चं न निरुज्झिस्सति, नो च तेसं तत्थ दुक्खसच्चं न निरुज्झिस्सति। पच्छिमचित्तस्स भङ्गक्खणे तेसं तत्थ मग्गसच्चञ्च न निरुज्झिस्सति दुक्खसच्चञ्च न निरुज्झिस्सति।
१०५. (क) यस्स यत्थ समुदयसच्चं न निरुज्झिस्सति तस्स तत्थ मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तेसं तत्थ समुदयसच्चं न निरुज्झिस्सति, नो च तेसं तत्थ मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं असञ्ञसत्तानं तेसं तत्थ समुदयसच्चञ्च न निरुज्झिस्सति मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ समुदयसच्चं न निरुज्झिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तत्थ मग्गसच्चं न निरुज्झिस्सति, नो च तेसं तत्थ समुदयसच्चं न निरुज्झिस्सति। अग्गमग्गस्स भङ्गक्खणे अरहन्तानं असञ्ञसत्तानं तेसं तत्थ मग्गसच्चञ्च न निरुज्झिस्सति समुदयसच्चञ्च न निरुज्झिस्सति।
(४) पच्चुप्पन्नातीतवारो
(क) अनुलोमपुग्गलो
१०६. (क) यस्स दुक्खसच्चं निरुज्झति तस्स समुदयसच्चं निरुज्झित्थाति? आमन्ता।
(ख) यस्स वा पन समुदयसच्चं निरुज्झित्थ तस्स दुक्खसच्चं निरुज्झतीति?
सब्बेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं समुदयसच्चं निरुज्झित्थ, नो च तेसं दुक्खसच्चं निरुज्झति। सब्बेसं चवन्तानं पवत्ते चित्तस्स भङ्गक्खणे तेसं समुदयसच्चञ्च निरुज्झित्थ दुक्खसच्चञ्च निरुज्झति।
(क) यस्स दुक्खसच्चं निरुज्झति तस्स मग्गसच्चं निरुज्झित्थाति?
अनभिसमेतावीनं चवन्तानं पवत्ते चित्तस्स भङ्गक्खणे तेसं दुक्खसच्चं निरुज्झति, नो च तेसं मग्गसच्चं निरुज्झित्थ। अभिसमेतावीनं चवन्तानं पवत्ते चित्तस्स भङ्गक्खणे तेसं दुक्खसच्चञ्च निरुज्झति मग्गसच्चञ्च निरुज्झित्थ।
(ख) यस्स वा पन मग्गसच्चं निरुज्झित्थ तस्स दुक्खसच्चं निरुज्झतीति?
अभिसमेतावीनं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं मग्गसच्चं निरुज्झित्थ, नो च तेसं दुक्खसच्चं निरुज्झति। अभिसमेतावीनं चवन्तानं पवत्ते चित्तस्स भङ्गक्खणे तेसं मग्गसच्चञ्च निरुज्झित्थ दुक्खसच्चञ्च निरुज्झति।
१०७. (क) यस्स समुदयसच्चं निरुज्झति तस्स मग्गसच्चं निरुज्झित्थाति?
अनभिसमेतावीनं तण्हाय भङ्गक्खणे तेसं समुदयसच्चं निरुज्झति, नो च तेसं मग्गसच्चं निरुज्झित्थ। अभिसमेतावीनं तण्हाय भङ्गक्खणे तेसं समुदयसच्चञ्च निरुज्झति मग्गसच्चञ्च निरुज्झित्थ।
(ख) यस्स वा पन मग्गसच्चं निरुज्झित्थ तस्स समुदयसच्चं निरुज्झतीति?
अभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने निरोधसमापन्नानं तेसं मग्गसच्चं निरुज्झित्थ, नो च तेसं समुदयसच्चं निरुज्झति। अभिसमेतावीनं तण्हाय भङ्गक्खणे तेसं मग्गसच्चञ्च निरुज्झित्थ समुदयसच्चञ्च निरुज्झति।
(ख) अनुलोमओकासो
१०८. यत्थ दुक्खसच्चं निरुज्झति…पे॰…।
(ग) अनुलोमपुग्गलोकासा
१०९. (क) यस्स यत्थ दुक्खसच्चं निरुज्झति तस्स तत्थ समुदयसच्चं निरुज्झित्थाति?
सुद्धावासानं उपपत्तिचित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चं निरुज्झति, नो च तेसं तत्थ समुदयसच्चं निरुज्झित्थ। इतरेसं चतुवोकारा पञ्चवोकारा चवन्तानं पवत्ते चित्तस्स भङ्गक्खणे तेसं तत्थ दुक्खसच्चञ्च निरुज्झति समुदयसच्चञ्च निरुज्झित्थ।
(ख) यस्स वा पन यत्थ समुदयसच्चं निरुज्झित्थ तस्स तत्थ दुक्खसच्चं निरुज्झतीति?
चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ समुदयसच्चं निरुज्झित्थ, नो च तेसं तत्थ दुक्खसच्चं निरुज्झति। चतुवोकारा पञ्चवोकारा चवन्तानं पवत्ते चित्तस्स भङ्गक्खणे तेसं तत्थ समुदयसच्चञ्च निरुज्झित्थ दुक्खसच्चञ्च निरुज्झति।
(क) यस्स यत्थ दुक्खसच्चं निरुज्झति तस्स तत्थ मग्गसच्चं निरुज्झित्थाति?
सुद्धावासानं उपपत्तिचित्तस्स भङ्गक्खणे अनभिसमेतावीनं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चं निरुज्झति, नो च तेसं तत्थ मग्गसच्चं निरुज्झित्थ। अभिसमेतावीनं चवन्तानं पवत्ते चित्तस्स भङ्गक्खणे तेसं तत्थ दुक्खसच्चञ्च निरुज्झति मग्गसच्चञ्च निरुज्झित्थ।
(ख) यस्स वा पन यत्थ मग्गसच्चं निरुज्झित्थ तस्स तत्थ दुक्खसच्चं निरुज्झतीति?
अभिसमेतावीनं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ मग्गसच्चं निरुज्झित्थ, नो च तेसं तत्थ दुक्खसच्चं निरुज्झति। अभिसमेतावीनं चवन्तानं पवत्ते चित्तस्स भङ्गक्खणे तेसं तत्थ मग्गसच्चञ्च निरुज्झित्थ दुक्खसच्चञ्च निरुज्झति।
११०. (क) यस्स यत्थ समुदयसच्चं निरुज्झति तस्स तत्थ मग्गसच्चं निरुज्झित्थाति?
अनभिसमेतावीनं तण्हाय भङ्गक्खणे तेसं तत्थ समुदयसच्चं निरुज्झति, नो च तेसं तत्थ मग्गसच्चं निरुज्झित्थ। अभिसमेतावीनं तण्हाय भङ्गक्खणे तेसं तत्थ समुदयसच्चञ्च निरुज्झति मग्गसच्चञ्च निरुज्झित्थ।
(ख) यस्स वा पन यत्थ मग्गसच्चं निरुज्झित्थ तस्स तत्थ समुदयसच्चं निरुज्झतीति?
अभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने तेसं तत्थ मग्गसच्चं निरुज्झित्थ, नो च तेसं तत्थ समुदयसच्चं निरुज्झति। अभिसमेतावीनं तण्हाय भङ्गक्खणे तेसं तत्थ मग्गसच्चञ्च निरुज्झित्थ समुदयसच्चञ्च निरुज्झति।
(घ) पच्चनीकपुग्गलो
१११. (क) यस्स दुक्खसच्चं न निरुज्झति तस्स समुदयसच्चं न निरुज्झित्थाति? निरुज्झित्थ।
(ख) यस्स वा पन समुदयसच्चं न निरुज्झित्थ तस्स दुक्खसच्चं न निरुज्झतीति? नत्थि।
(क) यस्स दुक्खसच्चं न निरुज्झति तस्स मग्गसच्चं न निरुज्झित्थाति?
अभिसमेतावीनं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं दुक्खसच्चं न निरुज्झति, नो च तेसं मग्गसच्चं न निरुज्झित्थ। अनभिसमेतावीनं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च न निरुज्झति मग्गसच्चञ्च न निरुज्झित्थ।
(ख) यस्स वा पन मग्गसच्चं न निरुज्झित्थ तस्स दुक्खसच्चं न निरुज्झतीति?
अनभिसमेतावीनं चवन्तानं पवत्ते चित्तस्स भङ्गक्खणे तेसं मग्गसच्चं न निरुज्झित्थ, नो च तेसं दुक्खसच्चं न निरुज्झति। अनभिसमेतावीनं उपपज्जन्तानं पवत्ते चित्तस्स उप्पादक्खणे तेसं मग्गसच्चञ्च न निरुज्झित्थ दुक्खसच्चञ्च न निरुज्झति।
११२. (क) यस्स समुदयसच्चं न निरुज्झति तस्स मग्गसच्चं न निरुज्झित्थाति?
अभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने निरोधसमापन्नानं तेसं समुदयसच्चं न निरुज्झति, नो च तेसं मग्गसच्चं न निरुज्झित्थ। अनभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं समुदयसच्चञ्च न निरुज्झति मग्गसच्चञ्च न निरुज्झित्थ।
(ख) यस्स वा पन मग्गसच्चं न निरुज्झित्थ तस्स समुदयसच्चं न निरुज्झतीति?
अनभिसमेतावीनं तण्हाय भङ्गक्खणे तेसं मग्गसच्चं न निरुज्झित्थ, नो च तेसं समुदयसच्चं न निरुज्झति। अनभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं मग्गसच्चञ्च न निरुज्झित्थ समुदयसच्चञ्च न निरुज्झति।
(ङ) पच्चनीकओकासो
११३. यत्थ दुक्खसच्चं न निरुज्झति…पे॰…।
(च) पच्चनीकपुग्गलोकासा
११४. (क) यस्स यत्थ दुक्खसच्चं न निरुज्झति तस्स तत्थ समुदयसच्चं न निरुज्झित्थाति?
चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ दुक्खसच्चं न निरुज्झति, नो च तेसं तत्थ समुदयसच्चं न निरुज्झित्थ। सुद्धावासानं उपपत्तिचित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चञ्च न निरुज्झति समुदयसच्चञ्च न निरुज्झित्थ।
(ख) यस्स वा पन यत्थ समुदयसच्चं न निरुज्झित्थ तस्स तत्थ दुक्खसच्चं न निरुज्झतीति?
सुद्धावासानं उपपत्तिचित्तस्स भङ्गक्खणे असञ्ञसत्ता चवन्तानं तेसं तत्थ समुदयसच्चं न निरुज्झित्थ, नो च तेसं तत्थ दुक्खसच्चं न निरुज्झति। सुद्धावासानं उपपत्तिचित्तस्स उप्पादक्खणे असञ्ञसत्तं उपपज्जन्तानं तेसं तत्थ समुदयसच्चञ्च न निरुज्झित्थ दुक्खसच्चञ्च न निरुज्झति।
(क) यस्स यत्थ दुक्खसच्चं न निरुज्झति तस्स तत्थ मग्गसच्चं न निरुज्झित्थाति?
अभिसमेतावीनं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ दुक्खसच्चं न निरुज्झति, नो च तेसं तत्थ मग्गसच्चं न निरुज्झित्थ। सुद्धावासानं उपपत्तिचित्तस्स उप्पादक्खणे अनभिसमेतावीनं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चञ्च न निरुज्झति मग्गसच्चञ्च न निरुज्झित्थ।
(ख) यस्स वा पन यत्थ मग्गसच्चं न निरुज्झित्थ तस्स तत्थ दुक्खसच्चं न निरुज्झतीति?
सुद्धावासानं उपपत्तिचित्तस्स भङ्गक्खणे अनभिसमेतावीनं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ मग्गसच्चं न निरुज्झित्थ, नो च तेसं तत्थ दुक्खसच्चं न निरुज्झति। सुद्धावासानं उपपत्तिचित्तस्स उप्पादक्खणे अनभिसमेतावीनं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ मग्गसच्चञ्च न निरुज्झित्थ दुक्खसच्चञ्च न निरुज्झति।
११५. (क) यस्स यत्थ समुदयसच्चं न निरुज्झति तस्स तत्थ मग्गसच्चं न निरुज्झित्थाति?
अभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने तेसं तत्थ समुदयसच्चं न निरुज्झति, नो च तेसं तत्थ मग्गसच्चं न निरुज्झित्थ। सुद्धावासानं दुतिये चित्ते वत्तमाने अनभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ समुदयसच्चञ्च न निरुज्झति मग्गसच्चञ्च न निरुज्झित्थ।
(ख) यस्स वा पन यत्थ मग्गसच्चं न निरुज्झित्थ तस्स तत्थ समुदयसच्चं न निरुज्झतीति?
अनभिसमेतावीनं तण्हाय भङ्गक्खणे तेसं तत्थ मग्गसच्चं न निरुज्झित्थ, नो च तेसं तत्थ समुदयसच्चं न निरुज्झति। सुद्धावासानं दुतिये चित्ते वत्तमाने अनभिसमेतावीनं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ मग्गसच्चञ्च न निरुज्झित्थ समुदयसच्चञ्च न निरुज्झति।
(५) पच्चुप्पन्नानागतवारो
(क) अनुलोमपुग्गलो
११६. (क) यस्स दुक्खसच्चं निरुज्झति तस्स समुदयसच्चं निरुज्झिस्सतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे तेसं दुक्खसच्चं निरुज्झति, नो च तेसं समुदयसच्चं निरुज्झिस्सति। इतरेसं चवन्तानं पवत्ते चित्तस्स भङ्गक्खणे तेसं दुक्खसच्चञ्च निरुज्झति समुदयसच्चञ्च निरुज्झिस्सति।
(ख) यस्स वा पन समुदयसच्चं निरुज्झिस्सति तस्स दुक्खसच्चं निरुज्झतीति?
सब्बेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं समुदयसच्चं निरुज्झिस्सति, नो च तेसं दुक्खसच्चं निरुज्झति। सब्बेसं चवन्तानं पवत्ते चित्तस्स भङ्गक्खणे तेसं समुदयसच्चञ्च निरुज्झिस्सति दुक्खसच्चञ्च निरुज्झति।
(क) यस्स दुक्खसच्चं निरुज्झति तस्स मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं दुक्खसच्चं निरुज्झति, नो च तेसं मग्गसच्चं निरुज्झिस्सति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं दुक्खसच्चञ्च निरुज्झति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स दुक्खसच्चं निरुज्झतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं मग्गसच्चं निरुज्झिस्सति, नो च तेसं दुक्खसच्चं निरुज्झति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं मग्गसच्चञ्च निरुज्झिस्सति दुक्खसच्चञ्च निरुज्झति।
११७. (क) यस्स समुदयसच्चं निरुज्झति तस्स मग्गसच्चं निरुज्झिस्सतीति?
ये पुथुज्जना मग्गं न पटिलभिस्सन्ति तेसं तण्हाय भङ्गक्खणे तेसं समुदयसच्चं निरुज्झति, नो च तेसं मग्गसच्चं निरुज्झिस्सति। ये मग्गं पटिलभिस्सन्ति तेसं तण्हाय भङ्गक्खणे तेसं समुदयसच्चञ्च निरुज्झति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स समुदयसच्चं निरुज्झतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं मग्गसच्चं निरुज्झिस्सति, नो च तेसं समुदयसच्चं निरुज्झति। ये मग्गं पटिलभिस्सन्ति तेसं तण्हाय भङ्गक्खणे तेसं मग्गसच्चञ्च निरुज्झिस्सति समुदयसच्चञ्च निरुज्झति।
(ख) अनुलोमओकासो
११८. यत्थ दुक्खसच्चं निरुज्झति…पे॰…।
(ग) अनुलोमपुग्गलोकासा
११९. (क) यस्स यत्थ दुक्खसच्चं निरुज्झति तस्स तत्थ समुदयसच्चं निरुज्झिस्सतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चं निरुज्झति, नो च तेसं तत्थ समुदयसच्चं निरुज्झिस्सति। इतरेसं चतुवोकारा पञ्चवोकारा चवन्तानं पवत्ते चित्तस्स भङ्गक्खणे तेसं तत्थ दुक्खसच्चञ्च निरुज्झति समुदयसच्चञ्च निरुज्झिस्सति।
(ख) यस्स वा पन यत्थ समुदयसच्चं निरुज्झिस्सति तस्स तत्थ दुक्खसच्चं निरुज्झतीति?
चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ समुदयसच्चं निरुज्झिस्सति, नो च तेसं तत्थ दुक्खसच्चं निरुज्झति। चतुवोकारा पञ्चवोकारा चवन्तानं पवत्ते चित्तस्स भङ्गक्खणे तेसं तत्थ समुदयसच्चञ्च निरुज्झिस्सति दुक्खसच्चञ्च निरुज्झति।
(क) यस्स यत्थ दुक्खसच्चं निरुज्झति तस्स तत्थ मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ दुक्खसच्चं निरुज्झति, नो च तेसं तत्थ मग्गसच्चं निरुज्झिस्सति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं तत्थ दुक्खसच्चञ्च निरुज्झति मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ दुक्खसच्चं निरुज्झतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ मग्गसच्चं निरुज्झिस्सति , नो च तेसं तत्थ दुक्खसच्चं निरुज्झति। यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं तत्थ मग्गसच्चञ्च निरुज्झिस्सति दुक्खसच्चञ्च निरुज्झति।
१२०. (क) यस्स यत्थ समुदयसच्चं निरुज्झति तस्स तत्थ मग्गसच्चं निरुज्झिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तेसं तत्थ समुदयसच्चं निरुज्झति, नो च तेसं तत्थ मग्गसच्चं निरुज्झिस्सति। ये मग्गं पटिलभिस्सन्ति तेसं तण्हाय भङ्गक्खणे तेसं तत्थ समुदयसच्चञ्च निरुज्झति मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ समुदयसच्चं निरुज्झतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने तेसं तत्थ मग्गसच्चं निरुज्झिस्सति, नो च तेसं तत्थ समुदयसच्चं निरुज्झति। ये मग्गं पटिलभिस्सन्ति तेसं तण्हाय भङ्गक्खणे तेसं तत्थ मग्गसच्चञ्च निरुज्झिस्सति समुदयसच्चञ्च निरुज्झति।
(घ) पच्चनीकपुग्गलो
१२१. (क) यस्स दुक्खसच्चं न निरुज्झति तस्स समुदयसच्चं न निरुज्झिस्सतीति?
सब्बेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं दुक्खसच्चं न निरुज्झति, नो च तेसं समुदयसच्चं न निरुज्झिस्सति। अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे तेसं दुक्खसच्चञ्च न निरुज्झति समुदयसच्चञ्च न निरुज्झिस्सति।
(ख) यस्स वा पन समुदयसच्चं न निरुज्झिस्सति तस्स दुक्खसच्चं न निरुज्झतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे तेसं समुदयसच्चं न निरुज्झिस्सति, नो च तेसं दुक्खसच्चं न निरुज्झति। अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे तेसं समुदयसच्चञ्च न निरुज्झिस्सति दुक्खसच्चञ्च न निरुज्झति।
(क) यस्स दुक्खसच्चं न निरुज्झति तस्स मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं दुक्खसच्चं न निरुज्झति, नो च तेसं मग्गसच्चं न निरुज्झिस्सति। अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे तेसं दुक्खसच्चञ्च न निरुज्झति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स दुक्खसच्चं न निरुज्झतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे तेसं मग्गसच्चं न निरुज्झिस्सति, नो च तेसं दुक्खसच्चं न निरुज्झति। अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे तेसं मग्गसच्चञ्च न निरुज्झिस्सति दुक्खसच्चञ्च न निरुज्झति।
१२२. (क) यस्स समुदयसच्चं न निरुज्झति तस्स मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं समुदयसच्चं न निरुज्झति, नो च तेसं मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने तेसं समुदयसच्चञ्च न निरुज्झति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स समुदयसच्चं न निरुज्झतीति?
ये पुथुज्जना मग्गं न पटिलभिस्सन्ति तेसं तण्हाय भङ्गक्खणे तेसं मग्गसच्चं न निरुज्झिस्सति, नो च तेसं समुदयसच्चं न निरुज्झति। अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने [वत्तमाने, निरोधसमापन्नानं असञ्ञसत्तानं (सी॰ स्या॰)] तेसं मग्गसच्चञ्च न निरुज्झिस्सति समुदयसच्चञ्च न निरुज्झति।
(ङ) पच्चनीकओकासो
१२३. यत्थ दुक्खसच्चं न निरुज्झति…पे॰…।
(च) पच्चनीकपुग्गलोकासा
१२४. (क) यस्स यत्थ दुक्खसच्चं न निरुज्झति तस्स तत्थ समुदयसच्चं न निरुज्झिस्सतीति?
चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ दुक्खसच्चं न निरुज्झति, नो च तेसं तत्थ समुदयसच्चं न निरुज्झिस्सति। अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे असञ्ञसत्तं उपपज्जन्तानं अरूपे अग्गमग्गस्स च फलस्स च भङ्गक्खणे असञ्ञसत्तं उपपज्जन्तानं तेसं तत्थ दुक्खसच्चञ्च न निरुज्झति समुदयसच्चञ्च न निरुज्झिस्सति।
(ख) यस्स वा पन यत्थ समुदयसच्चं न निरुज्झिस्सति तस्स तत्थ दुक्खसच्चं न निरुज्झतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे असञ्ञसत्ता चवन्तानं तेसं तत्थ समुदयसच्चं न निरुज्झिस्सति, नो च तेसं तत्थ दुक्खसच्चं न निरुज्झति। अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे असञ्ञसत्तं उपपज्जन्तानं तेसं तत्थ समुदयसच्चञ्च न निरुज्झिस्सति दुक्खसच्चञ्च न निरुज्झति।
(क) यस्स यत्थ दुक्खसच्चं न निरुज्झति तस्स तत्थ मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे मग्गस्स च फलस्स च भङ्गक्खणे तेसं तत्थ दुक्खसच्चं न निरुज्झति, नो च तेसं तत्थ मग्गसच्चं न निरुज्झिस्सति। अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं अरूपे अग्गमग्गस्स च फलस्स च भङ्गक्खणे तेसं तत्थ दुक्खसच्चञ्च न निरुज्झति मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ दुक्खसच्चं न निरुज्झतीति?
अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे असञ्ञसत्ता चवन्तानं तेसं तत्थ मग्गसच्चं न निरुज्झिस्सति, नो च तेसं तत्थ दुक्खसच्चं न निरुज्झति। अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे अरूपे अग्गमग्गस्स च फलस्स च भङ्गक्खणे असञ्ञसत्तं उपपज्जन्तानं तेसं तत्थ मग्गसच्चञ्च न निरुज्झिस्सति दुक्खसच्चञ्च न निरुज्झति।
१२५. (क) यस्स यत्थ समुदयसच्चं न निरुज्झति तस्स तत्थ मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने तेसं तत्थ समुदयसच्चं न निरुज्झति, नो च तेसं तत्थ मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ समुदयसच्चञ्च न निरुज्झति मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ समुदयसच्चं न निरुज्झतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तेसं तत्थ मग्गसच्चं न निरुज्झिस्सति, नो च तेसं तत्थ समुदयसच्चं न निरुज्झति। अग्गमग्गस्स भङ्गक्खणे अरहन्तानं आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ मग्गसच्चञ्च न निरुज्झिस्सति समुदयसच्चञ्च न निरुज्झिति।
(६) अतीतानागतवारो
(क) अनुलोमपुग्गलो
१२६. (क) यस्स दुक्खसच्चं निरुज्झित्थ तस्स समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं दुक्खसच्चं निरुज्झित्थ, नो च तेसं समुदयसच्चं निरुज्झिस्सति। इतरेसं तेसं दुक्खसच्चञ्च निरुज्झित्थ समुदयसच्चञ्च निरुज्झिस्सति।
(ख) यस्स वा पन…पे॰…? आमन्ता।
(क) यस्स दुक्खसच्चं निरुज्झित्थ तस्स मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं दुक्खसच्चं निरुज्झित्थ, नो च तेसं मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं दुक्खसच्चञ्च निरुज्झित्थ मग्गसच्चञ्च निरुज्झिस्सति।
(ख) यस्स वा पन…पे॰…? आमन्ता।
१२७. (क) यस्स समुदयसच्चं निरुज्झित्थ तस्स मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं समुदयसच्चं निरुज्झित्थ, नो च तेसं मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं समुदयसच्चञ्च निरुज्झित्थ मग्गसच्चञ्च निरुज्झिस्सति।
(ख) यस्स वा पन…पे॰…? आमन्ता।
(ख) अनुलोमओकासो
१२८. यत्थ दुक्खसच्चं निरुज्झित्थ…पे॰…।
(ग) अनुलोमपुग्गलोकासा
१२९. (क) यस्स यत्थ दुक्खसच्चं निरुज्झित्थ तस्स तत्थ समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ दुक्खसच्चं निरुज्झित्थ, नो च तेसं तत्थ समुदयसच्चं निरुज्झिस्सति। इतरेसं चतुवोकारानं पञ्चवोकारानं तेसं तत्थ दुक्खसच्चञ्च निरुज्झित्थ समुदयसच्चञ्च निरुज्झिस्सति।
(ख) यस्स वा पन यत्थ समुदयसच्चं निरुज्झिस्सति तस्स तत्थ दुक्खसच्चं निरुज्झित्थाति ?
सुद्धावासं उपपज्जन्तानं तेसं तत्थ समुदयसच्चं निरुज्झिस्सति, नो च तेसं तत्थ दुक्खसच्चं निरुज्झित्थ। इतरेसं चतुवोकारानं पञ्चवोकारानं तेसं तत्थ समुदयसच्चञ्च निरुज्झिस्सति दुक्खसच्चञ्च निरुज्झित्थ।
(क) यस्स यत्थ दुक्खसच्चं निरुज्झित्थ तस्स तत्थ मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति आपायिकानं असञ्ञसत्तानं तेसं तत्थ दुक्खसच्चं निरुज्झित्थ, नो च तेसं तत्थ मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ दुक्खसच्चञ्च निरुज्झित्थ मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ दुक्खसच्चं निरुज्झित्थाति?
सुद्धावासं उपपज्जन्तानं तेसं तत्थ मग्गसच्चं निरुज्झिस्सति, नो च तेसं तत्थ दुक्खसच्चं निरुज्झित्थ। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ मग्गसच्चञ्च निरुज्झिस्सति दुक्खसच्चञ्च निरुज्झित्थ।
१३०. (क) यस्स यत्थ समुदयसच्चं निरुज्झित्थ तस्स तत्थ मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति आपायिकानं तेसं तत्थ समुदयसच्चं निरुज्झित्थ, नो च तेसं तत्थ मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ समुदयसच्चञ्च निरुज्झित्थ मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ समुदयसच्चं निरुज्झित्थाति।
सुद्धावासानं दुतिये चित्ते वत्तमाने तेसं तत्थ मग्गसच्चं निरुज्झिस्सति, नो च तेसं तत्थ समुदयसच्चं निरुज्झित्थ। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तत्थ मग्गसच्चञ्च निरुज्झिस्सति समुदयसच्चञ्च निरुज्झित्थ।
(घ) पच्चनीकपुग्गलो
१३१. (क) यस्स दुक्खसच्चं न निरुज्झित्थ तस्स समुदयसच्चं न निरुज्झिस्सतीति? नत्थि।
(ख) यस्स वा पन समुदयसच्चं न निरुज्झिस्सति तस्स दुक्खसच्चं न निरुज्झित्थाति? निरुज्झित्थ।
(क) यस्स दुक्खसच्चं न निरुज्झित्थ तस्स मग्गसच्चं न निरुज्झिस्सतीति ? नत्थि।
(ख) यस्स वा पन मग्गसच्चं न निरुज्झिस्सति तस्स दुक्खसच्चं न निरुज्झित्थाति? निरुज्झित्थ।
१३२. (क) यस्स समुदयसच्चं न निरुज्झित्थ तस्स मग्गसच्चं न निरुज्झिस्सतीति? नत्थि।
(ख) यस्स वा पन मग्गसच्चं न निरुज्झिस्सति तस्स समुदयसच्चं न निरुज्झित्थाति? निरुज्झित्थ।
(ङ) पच्चनीकओकासो
१३३. यत्थ दुक्खसच्चं न निरुज्झित्थ…पे॰…।
(च) पच्चनीकपुग्गलोकासा
१३४. (क) यस्स यत्थ दुक्खसच्चं न निरुज्झित्थ तस्स तत्थ समुदयसच्चं न निरुज्झिस्सतीति? निरुज्झिस्सति।
(ख) यस्स वा पन यत्थ समुदयसच्चं न निरुज्झिस्सति तस्स तत्थ दुक्खसच्चं न निरुज्झित्थाति? निरुज्झित्थ।
(क) यस्स यत्थ दुक्खसच्चं न निरुज्झित्थ तस्स तत्थ मग्गसच्चं न निरुज्झिस्सतीति? निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ दुक्खसच्चं न निरुज्झित्थाति? निरुज्झित्थ।
१३५. (क) यस्स यत्थ समुदयसच्चं न निरुज्झित्थ तस्स तत्थ मग्गसच्चं न निरुज्झिस्सतीति?
सुद्धावासानं दुतिये चित्ते वत्तमाने तेसं तत्थ समुदयसच्चं न निरुज्झित्थ, नो च तेसं तत्थ मग्गसच्चं न निरुज्झिस्सति। असञ्ञसत्तानं तेसं तत्थ समुदयसच्चञ्च न निरुज्झित्थ मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ समुदयसच्चं न निरुज्झित्थाति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति आपायिकानं तेसं तत्थ मग्गसच्चं न निरुज्झिस्सति, नो च तेसं तत्थ समुदयसच्चं न निरुज्झित्थ। असञ्ञसत्तानं तेसं तत्थ मग्गसच्चञ्च न निरुज्झिस्सति समुदयसच्चञ्च न निरुज्झित्थ।
निरोधवारो।
२. पवत्ति ३. उप्पादनिरोधवारो
(१) पच्चुप्पन्नवारो
(क) अनुलोमपुग्गलो
१३६. (क) यस्स दुक्खसच्चं उप्पज्जति तस्स समुदयसच्चं निरुज्झतीति? नो।
(ख) यस्स वा पन समुदयसच्चं निरुज्झति तस्स दुक्खसच्चं उप्पज्जतीति? नो।
(क) यस्स दुक्खसच्चं उप्पज्जति तस्स मग्गसच्चं निरुज्झतीति? नो।
(ख) यस्स वा पन मग्गसच्चं निरुज्झति तस्स दुक्खसच्चं उप्पज्जतीति? नो।
१३७. (क) यस्स समुदयसच्चं उप्पज्जति तस्स मग्गसच्चं निरुज्झतीति? नो।
(ख) यस्स वा पन मग्गसच्चं निरुज्झति तस्स समुदयसच्चं उप्पज्जतीति? नो।
(ख) अनुलोमओकासो
१३८. यत्थ दुक्खसच्चं उप्पज्जति तत्थ समुदयसच्चं निरुज्झतीति?
असञ्ञसत्ते तत्थ दुक्खसच्चं उप्पज्जति, नो च तत्थ समुदयसच्चं निरुज्झति…पे॰…।
(यत्थकं उप्पादवारेपि निरोधवारेपि उप्पादनिरोधवारेपि सदिसं नत्थि नानाकरणं)।
(ग) अनुलोमपुग्गलोकासा
१३९. यस्स यत्थ दुक्खसच्चं उप्पज्जति तस्स तत्थ समुदयसच्चं निरुज्झतीति? नो।
(यस्सकम्पि यस्सयत्थकम्पि सदिसं)।
(घ) पच्चनीकपुग्गलो
१४०. (क) यस्स दुक्खसच्चं नुप्पज्जति तस्स समुदयसच्चं न निरुज्झतीति?
तण्हाय भङ्गक्खणे तेसं दुक्खसच्चं नुप्पज्जति, नो च तेसं समुदयसच्चं न निरुज्झति। सब्बेसं चवन्तानं पवत्ते तण्हाविप्पयुत्तचित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चञ्च नुप्पज्जति समुदयसच्चञ्च न निरुज्झति।
(ख) यस्स वा पन समुदयसच्चं न निरुज्झति तस्स दुक्खसच्चं नुप्पज्जतीति?
सब्बेसं उपपज्जन्तानं पवत्ते चित्तस्स उप्पादक्खणे तेसं समुदयसच्चं न निरुज्झति, नो च तेसं दुक्खसच्चं नुप्पज्जति। सब्बेसं चवन्तानं पवत्ते तण्हाविप्पयुत्तचित्तस्स भङ्गक्खणे अरूपे मग्गस्स च फलस्स च उप्पादक्खणे तेसं समुदयसच्चञ्च न निरुज्झति दुक्खसच्चञ्च नुप्पज्जति।
(क) यस्स दुक्खसच्चं नुप्पज्जति तस्स मग्गसच्चं न निरुज्झतीति?
मग्गस्स भङ्गक्खणे तेसं दुक्खसच्चं नुप्पज्जति, नो च तेसं मग्गसच्चं न निरुज्झति। सब्बेसं चवन्तानं पवत्ते मग्गविप्पयुत्तचित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चञ्च नुप्पज्जति मग्गसच्चञ्च न निरुज्झति।
(ख) यस्स वा पन मग्गसच्चं न निरुज्झति तस्स दुक्खसच्चं नुप्पज्जतीति?
सब्बेसं उपपज्जन्तानं पवत्ते चित्तस्स उप्पादक्खणे तेसं मग्गसच्चं न निरुज्झति, नो च तेसं दुक्खसच्चं नुप्पज्जति। सब्बेसं चवन्तानं पवत्ते मग्गविप्पयुत्तचित्तस्स भङ्गक्खणे अरूपे मग्गस्स च फलस्स च उप्पादक्खणे तेसं मग्गसच्चञ्च न निरुज्झति दुक्खसच्चञ्च नुप्पज्जति।
१४१. (क) यस्स समुदयसच्चं नुप्पज्जति तस्स मग्गसच्चं न निरुज्झतीति?
मग्गस्स भङ्गक्खणे तेसं समुदयसच्चं नुप्पज्जति, नो च तेसं मग्गसच्चं न निरुज्झति। तण्हाविप्पयुत्तचित्तस्स उप्पादक्खणे मग्गविप्पयुत्तचित्तस्स भङ्गक्खणे निरोधसमापन्नानं असञ्ञसत्तानं तेसं समुदयसच्चञ्च नुप्पज्जति मग्गसच्चञ्च न निरुज्झति।
(ख) यस्स वा पन मग्गसच्चं न निरुज्झति तस्स समुदयसच्चं नुप्पज्जतीति?
तण्हाय उप्पादक्खणे तेसं मग्गसच्चं न निरुज्झति, नो च तेसं समुदयसच्चं नुप्पज्जति। मग्गविप्पयुत्तचित्तस्स भङ्गक्खणे तण्हाविप्पयुत्तचित्तस्स उप्पादक्खणे निरोधसमापन्नानं असञ्ञसत्तानं तेसं मग्गसच्चञ्च न निरुज्झति समुदयसच्चञ्च नुप्पज्जति।
(ङ) पच्चनीकओकासो
१४२. यत्थ दुक्खसच्चं नुप्पज्जति…पे॰…।
(च) पच्चनीकपुग्गलोकासा
१४३. यस्स यत्थ दुक्खसच्चं नुप्पज्जति…पे॰…।
(यस्सकम्पि यस्सयत्थकम्पि सदिसं, यस्सयत्थकेपि निरोधसमापन्नानन्ति न कातब्बं)।
(२) अतीतवारो
(क) अनुलोमपुग्गलो
१४४. (क) यस्स दुक्खसच्चं उप्पज्जित्थ तस्स समुदयसच्चं निरुज्झित्थाति? आमन्ता।
(ख) यस्स वा पन…पे॰…? आमन्ता।
(अतीता पुच्छा यथा उप्पादवारे विभत्ता एवं उप्पादनिरोधवारेपि अनुलोमम्पि पच्चनीकम्पि विभजितब्बं)।
(३) अनागतवारो
(क) अनुलोमपुग्गलो
१४५. (क) यस्स दुक्खसच्चं उप्पज्जिस्सति तस्स समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं दुक्खसच्चं उप्पज्जिस्सति, नो च तेसं समुदयसच्चं निरुज्झिस्सति। इतरेसं तेसं दुक्खसच्चञ्च उप्पज्जिस्सति समुदयसच्चञ्च निरुज्झिस्सति।
(ख) यस्स वा पन…पे॰…? आमन्ता।
(क) यस्स दुक्खसच्चं उप्पज्जिस्सति तस्स मग्गसच्चं निरुज्झिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं दुक्खसच्चं उप्पज्जिस्सति, नो च तेसं मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं दुक्खसच्चञ्च उप्पज्जिस्सति मग्गसच्चञ्च निरुज्झिस्सति।
(ख) यस्स वा पन…पे॰…? आमन्ता।
१४६. (क) यस्स समुदयसच्चं उप्पज्जिस्सति तस्स मग्गसच्चं निरुज्झिस्सतीति?
ये पुथुज्जना मग्गं न पटिलभिस्सन्ति तेसं समुदयसच्चं उप्पज्जिस्सति, नो च तेसं मग्गसच्चं निरुज्झिस्सति। ये मग्गं पटिलभिस्सन्ति तेसं समुदयसच्चञ्च उप्पज्जिस्सति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स समुदयसच्चं उप्पज्जिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तेसं मग्गसच्चं निरुज्झिस्सति, नो च तेसं समुदयसच्चं उप्पज्जिस्सति। ये मग्गं पटिलभिस्सन्ति तेसं मग्गसच्चञ्च निरुज्झिस्सति समुदयसच्चञ्च उप्पज्जिस्सति।
(ख) अनुलोमओकासो
१४७. यत्थ दुक्खसच्चं उप्पज्जिस्सति…पे॰…।
(ग) अनुलोमपुग्गलोकासा
१४८. यस्स यत्थ दुक्खसच्चं उप्पज्जिस्सति तस्स तत्थ समुदयसच्चं निरुज्झिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति असञ्ञसत्तानं तेसं तत्थ …पे॰… इतरेसं चतुवोकारानं पञ्चवोकारानं तेसं तत्थ…पे॰…। (यस्सकम्पि यस्सयत्थकम्पि सदिसं)।
(घ) पच्चनीकपुग्गलो
१४९. (क) यस्स दुक्खसच्चं नुप्पज्जिस्सति तस्स समुदयसच्चं न निरुज्झिस्सतीति? आमन्ता।
(ख) यस्स वा पन समुदयसच्चं न निरुज्झिस्सति तस्स दुक्खसच्चं नुप्पज्जिस्सतीति?
अग्गमग्गसमङ्गीनं अरहन्तानं यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं न निरुज्झिस्सति, नो च तेसं दुक्खसच्चं नुप्पज्जिस्सति। पच्छिमचित्तसमङ्गीनं तेसं समुदयसच्चञ्च न निरुज्झिस्सति दुक्खसच्चञ्च नुप्पज्जिस्सति।
(क) यस्स दुक्खसच्चं नुप्पज्जिस्सति तस्स मग्गसच्चं न निरुज्झिस्सतीति? आमन्ता।
(ख) यस्स वा पन मग्गसच्चं न निरुज्झिस्सति तस्स दुक्खसच्चं नुप्पज्जिस्सतीति?
अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं मग्गसच्चं न निरुज्झिस्सति, नो च तेसं दुक्खसच्चं नुप्पज्जिस्सति। पच्छिमचित्तसमङ्गीनं तेसं मग्गसच्चञ्च न निरुज्झिस्सति दुक्खसच्चञ्च नुप्पज्जिस्सति।
१५०. (क) यस्स समुदयसच्चं नुप्पज्जिस्सति तस्स मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तेसं समुदयसच्चं नुप्पज्जिस्सति, नो च तेसं मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं तेसं समुदयसच्चञ्च नुप्पज्जिस्सति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स समुदयसच्चं नुप्पज्जिस्सतीति?
ये पुथुज्जना मग्गं न पटिलभिस्सन्ति तेसं मग्गसच्चं न निरुज्झिस्सति, नो च तेसं समुदयसच्चं नुप्पज्जिस्सति। अग्गमग्गस्स भङ्गक्खणे अरहन्तानं तेसं मग्गसच्चञ्च न निरुज्झिस्सति समुदयसच्चञ्च नुप्पज्जिस्सति।
(ङ) पच्चनीकओकासो
१५१. यत्थ दुक्खसच्चं नुप्पज्जिस्सति…पे॰…।
(च) पच्चनीकपुग्गलोकासा
१५२. यस्स यत्थ दुक्खसच्चं नुप्पज्जिस्सति…पे॰…।
(यस्सकम्पि यस्सयत्थकम्पि सदिसं, समुदयसच्चं मग्गसच्चं नानाकरणं, अग्गमग्गस्स भङ्गक्खणे, अरहन्तानं असञ्ञसत्तानं तेसं तत्थ मग्गसच्चञ्च न निरुज्झिस्सति समुदयसच्चञ्च नुप्पज्जिस्सति)।
(४) पच्चुप्पन्नातीतवारो
(क) अनुलोमपुग्गलो
१५३. यस्स दुक्खसच्चं उप्पज्जति तस्स समुदयसच्चं निरुज्झित्थाति? आमन्ता।
यस्स वा पन…पे॰…।
(पच्चुप्पन्नअतीता [पच्चुप्पन्नेनातीता (स्या॰)] पुच्छा उप्पादवारेपि उप्पादनिरोधवारेपि यस्सकम्पि यत्थकम्पि यस्सयत्थकम्पि अनुलोमम्पि पच्चनीकम्पि सदिसं, असम्मोहन्तेन विभजितब्बा)।
(५) पच्चुप्पन्नानागतवारो
(क) अनुलोमपुग्गलो
१५४. (क) यस्स दुक्खसच्चं उप्पज्जति तस्स समुदयसच्चं निरुज्झिस्सतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे तेसं दुक्खसच्चं उप्पज्जति, नो च तेसं समुदयसच्चं निरुज्झिस्सति। इतरेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च उप्पज्जति समुदयसच्चञ्च निरुज्झिस्सति।
(ख) यस्स वा पन समुदयसच्चं निरुज्झिस्सति तस्स दुक्खसच्चं उप्पज्जतीति?
सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं समुदयसच्चं निरुज्झिस्सति, नो च तेसं दुक्खसच्चं उप्पज्जति। सब्बेसं उपपज्जन्तानं पवत्ते चित्तस्स उप्पादक्खणे तेसं समुदयसच्चञ्च निरुज्झिस्सति दुक्खसच्चञ्च उप्पज्जति।
(क) यस्स दुक्खसच्चं उप्पज्जति तस्स मग्गसच्चं निरुज्झिस्सतीति?
अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चं उप्पज्जति, नो च तेसं मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं दुक्खसच्चञ्च उप्पज्जति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स दुक्खसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं मग्गसच्चं निरुज्झिस्सति, नो च तेसं दुक्खसच्चं उप्पज्जति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं मग्गसच्चञ्च निरुज्झिस्सति दुक्खसच्चञ्च उप्पज्जति।
१५५. (क) यस्स समुदयसच्चं उप्पज्जति तस्स मग्गसच्चं निरुज्झिस्सतीति?
ये पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं समुदयसच्चं उप्पज्जति, नो च तेसं मग्गसच्चं निरुज्झिस्सति। ये मग्गं पटिलभिस्सन्ति तेसं तण्हाय उप्पादक्खणे तेसं समुदयसच्चञ्च उप्पज्जति मग्गसच्चञ्च निरुज्झिस्सति।
(ख) यस्स वा पन मग्गसच्चं निरुज्झिस्सति तस्स समुदयसच्चं उप्पज्जतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं मग्गसच्चं निरुज्झिस्सति, नो च तेसं समुदयसच्चं उप्पज्जति। ये मग्गं पटिलभिस्सन्ति तेसं तण्हाय उप्पादक्खणे तेसं मग्गसच्चञ्च निरुज्झिस्सति समुदयसच्चञ्च उप्पज्जति।
(ख) अनुलोमओकासो
१५६. यत्थ दुक्खसच्चं उप्पज्जति…पे॰…।
(ग) अनुलोमपुग्गलोकासा
१५७. (क) यस्स यत्थ दुक्खसच्चं उप्पज्जति तस्स तत्थ समुदयसच्चं निरुज्झिस्सतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं…पे॰… इतरेसं चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चं…पे॰…।
(ख) यस्स वा पन यत्थ समुदयसच्चं निरुज्झिस्सति तस्स तत्थ दुक्खसच्चं उप्पज्जतीति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ समुदयसच्चं निरुज्झिस्सति, नो च तेसं तत्थ दुक्खसच्चं उप्पज्जति। चतुवोकारं पञ्चवोकारं उपपज्जन्तानं पवत्ते चित्तस्स उप्पादक्खणे तेसं तत्थ समुदयसच्चञ्च निरुज्झिस्सति दुक्खसच्चञ्च उप्पज्जति।
(क) यस्स यत्थ दुक्खसच्चं उप्पज्जति तस्स तत्थ मग्गसच्चं निरुज्झिस्सतीति?
अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे असञ्ञसत्तं उपपज्जन्तानं तेसं तत्थ दुक्खसच्चं उप्पज्जति, नो च तेसं तत्थ मग्गसच्चं निरुज्झिस्सति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं तत्थ दुक्खसच्चञ्च उप्पज्जति मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ दुक्खसच्चं उप्पज्जतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ मग्गसच्चं निरुज्झिस्सति, नो च तेसं तत्थ दुक्खसच्चं उप्पज्जति। अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे ये चञ्ञे मग्गं पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं तत्थ मग्गसच्चञ्च निरुज्झिस्सति दुक्खसच्चञ्च उप्पज्जति।
१५८. (क) यस्स यत्थ समुदयसच्चं उप्पज्जति तस्स तत्थ मग्गसच्चं निरुज्झिस्सतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं तत्थ समुदयसच्चं उप्पज्जति, नो च तेसं तत्थ मग्गसच्चं निरुज्झिस्सति। ये मग्गं पटिलभिस्सन्ति तेसं तण्हाय उप्पादक्खणे तेसं तत्थ समुदयसच्चञ्च उप्पज्जति मग्गसच्चञ्च निरुज्झिस्सति।
(ख) यस्स वा पन यत्थ मग्गसच्चं निरुज्झिस्सति तस्स तत्थ समुदयसच्चं उप्पज्जतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ मग्गसच्चं निरुज्झिस्सति, नो च तेसं तत्थ समुदयसच्चं उप्पज्जति। ये मग्गं पटिलभिस्सन्ति तेसं तण्हाय उप्पादक्खणे तेसं तत्थ मग्गसच्चञ्च निरुज्झिस्सति समुदयसच्चञ्च उप्पज्जति।
(घ) पच्चनीकपुग्गलो
१५९. (क) यस्स दुक्खसच्चं नुप्पज्जति तस्स समुदयसच्चं न निरुज्झिस्सतीति?
सब्बेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चं नुप्पज्जति, नो च तेसं समुदयसच्चं न निरुज्झिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं दुक्खसच्चञ्च नुप्पज्जति समुदयसच्चञ्च न निरुज्झिस्सति।
(ख) यस्स वा पन समुदयसच्चं न निरुज्झिस्सति तस्स दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे तेसं समुदयसच्चं न निरुज्झिस्सति, नो च तेसं दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे तेसं समुदयसच्चञ्च न निरुज्झिस्सति दुक्खसच्चञ्च नुप्पज्जति।
(क) यस्स दुक्खसच्चं नुप्पज्जति तस्स मग्गसच्चं न निरुज्झिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं दुक्खसच्चं नुप्पज्जति, नो च तेसं मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गफलस्स उप्पादक्खणे तेसं दुक्खसच्चञ्च नुप्पज्जति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स दुक्खसच्चं नुप्पज्जतीति?
अरहन्तानं चित्तस्स उप्पादक्खणे ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे तेसं मग्गसच्चं न निरुज्झिस्सति, नो च तेसं दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गफलस्स उप्पादक्खणे तेसं मग्गसच्चञ्च न निरुज्झिस्सति दुक्खसच्चञ्च नुप्पज्जति।
१६०. (क) यस्स समुदयसच्चं नुप्पज्जति तस्स मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने निरोधसमापन्नानं असञ्ञसत्तानं तेसं समुदयसच्चं नुप्पज्जति, नो च तेसं मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं समुदयसच्चञ्च नुप्पज्जति मग्गसच्चञ्च न निरुज्झिस्सति।
(ख) यस्स वा पन मग्गसच्चं न निरुज्झिस्सति तस्स समुदयसच्चं नुप्पज्जतीति?
ये पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं मग्गसच्चं न निरुज्झिस्सति, नो च तेसं समुदयसच्चं नुप्पज्जति। अग्गमग्गस्स भङ्गक्खणे अरहन्तानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं मग्गसच्चञ्च न निरुज्झिस्सति समुदयसच्चञ्च नुप्पज्जति।
(ङ) पच्चनीकओकासो
१६१. यत्थ दुक्खसच्चं नुप्पज्जति…पे॰…।
(च) पच्चनीकपुग्गलोकासा
१६२. (क) यस्स यत्थ दुक्खसच्चं नुप्पज्जति तस्स तत्थ समुदयसच्चं न निरुज्झिस्सतीति?
चतुवोकारा पञ्चवोकारा चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ समुदयसच्चं न निरुज्झिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे असञ्ञसत्ता चवन्तानं तेसं तत्थ दुक्खसच्चञ्च नुप्पज्जति समुदयसच्चञ्च न निरुज्झिस्सति।
(ख) यस्स वा पन यत्थ समुदयसच्चं न निरुज्झिस्सति तस्स तत्थ दुक्खसच्चं नुप्पज्जतीति?
अग्गमग्गस्स उप्पादक्खणे अरहन्तानं चित्तस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स उप्पादक्खणे असञ्ञसत्तं उपपज्जन्तानं तेसं तत्थ समुदयसच्चं न निरुज्झिस्सति, नो च तेसं तत्थ दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे अरूपे अग्गमग्गस्स च फलस्स च उप्पादक्खणे असञ्ञसत्ता चवन्तानं तेसं तत्थ समुदयसच्चञ्च न निरुज्झिस्सति दुक्खसच्चञ्च नुप्पज्जति।
(क) यस्स यत्थ दुक्खसच्चं नुप्पज्जति तस्स तत्थ मग्गसच्चं न निरुज्झिस्सतीति?
यस्स चित्तस्स अनन्तरा अग्गमग्गं पटिलभिस्सन्ति तस्स चित्तस्स भङ्गक्खणे ये चञ्ञे मग्गं पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे मग्गस्स च फलस्स च उप्पादक्खणे तेसं तत्थ दुक्खसच्चं नुप्पज्जति, नो च तेसं तत्थ मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गफलस्स उप्पादक्खणे असञ्ञसत्ता [अपाया असञ्ञसत्ता (स्या॰)] चवन्तानं तेसं तत्थ दुक्खसच्चञ्च नुप्पज्जति मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ दुक्खसच्चं नुप्पज्जतीति?
अरहन्तानं चित्तस्स उप्पादक्खणे आपायिकानं ये च पुथुज्जना मग्गं न पटिलभिस्सन्ति तेसं उपपज्जन्तानं पवत्ते चित्तस्स उप्पादक्खणे असञ्ञसत्तं [अपायं असञ्ञसत्तं (स्या॰)] उपपज्जन्तानं तेसं तत्थ मग्गसच्चं न निरुज्झिस्सति, नो च तेसं तत्थ दुक्खसच्चं नुप्पज्जति। अग्गमग्गस्स भङ्गक्खणे अरहन्तानं चित्तस्स भङ्गक्खणे आपायिकानं ये च पुथुज्जना मग्गं न पटिलभिस्सन्ति तेसं चवन्तानं पवत्ते चित्तस्स भङ्गक्खणे अरूपे अग्गफलस्स उप्पादक्खणे असञ्ञसत्ता चवन्तानं तेसं तत्थ मग्गसच्चञ्च न निरुज्झिस्सति दुक्खसच्चञ्च नुप्पज्जति।
१६३. (क) यस्स यत्थ समुदयसच्चं नुप्पज्जति तस्स तत्थ मग्गसच्चं न निरुज्झिस्सतीति?
अग्गमग्गस्स उप्पादक्खणे यस्स चित्तस्स अनन्तरा अग्गमग्गं पटिलभिस्सन्ति ये चञ्ञे मग्गं पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने तेसं तत्थ समुदयसच्चं नुप्पज्जति, नो च तेसं तत्थ मग्गसच्चं न निरुज्झिस्सति। अग्गमग्गस्स भङ्गक्खणे अरहन्तानं आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ समुदयसच्चञ्च नुप्पज्जति मग्गसच्चञ्च न निरुज्झिस्सति।
(ख) यस्स वा पन यत्थ मग्गसच्चं न निरुज्झिस्सति तस्स तत्थ समुदयसच्चं नुप्पज्जतीति?
आपायिकानं ये च पुथुज्जना मग्गं न पटिलभिस्सन्ति तेसं तण्हाय उप्पादक्खणे तेसं तत्थ मग्गसच्चं न निरुज्झिस्सति, नो च तेसं तत्थ समुदयसच्चं नुप्पज्जति। अग्गमग्गस्स भङ्गक्खणे अरहन्तानं आपायिकानं ये च पुथुज्जना मग्गं न पटिलभिस्सन्ति तेसं तण्हाय भङ्गक्खणे तण्हाविप्पयुत्तचित्ते वत्तमाने असञ्ञसत्तानं तेसं तत्थ मग्गसच्चञ्च न निरुज्झिस्सति समुदयसच्चञ्च नुप्पज्जति।
(६) अतीतानागतवारो
(क) अनुलोमपुग्गलो
१६४. यस्स दुक्खसच्चं उप्पज्जित्थ तस्स समुदयसच्चं निरुज्झिस्सतीति?
(यथा निरोधवारे अतीतानागता [अतीतेनानागता (स्या॰)] पुच्छा अनुलोमम्पि पच्चनीकम्पि विभत्ता एवं उप्पादनिरोधवारेपि असम्मोहन्तेन विभजितब्बं)।
उप्पादनिरोधवारो।
पवत्तिवारो निट्ठितो।
३. परिञ्ञावारो
१. पच्चुप्पन्नवारो
१६५. (क) यो दुक्खसच्चं परिजानाति सो समुदयसच्चं पजहतीति? आमन्ता।
(ख) यो वा पन समुदयसच्चं पजहति सो दुक्खसच्चं परिजानातीति? आमन्ता।
(क) यो दुक्खसच्चं न परिजानाति सो समुदयसच्चं नप्पजहतीति? आमन्ता।
(ख) यो वा पन…पे॰…? आमन्ता।
२. अतीतवारो
१६६. (क) यो दुक्खसच्चं परिजानित्थ सो समुदयसच्चं पजहित्थाति? आमन्ता।
(ख) यो वा पन…पे॰…? आमन्ता।
(क) यो दुक्खसच्चं न परिजानित्थ सो समुदयसच्चं नप्पजहित्थाति? आमन्ता।
(ख) यो वा पन…पे॰…? आमन्ता।
३. अनागतवारो
१६७. (क) यो दुक्खसच्चं परिजानिस्सति सो समुदयसच्चं पजहिस्सतीति? आमन्ता।
(ख) यो वा पन…पे॰…? आमन्ता।
(क) यो दुक्खसच्चं न परिजानिस्सति सो समुदयसच्चं नप्पजहिस्सतीति? आमन्ता।
(ख) यो वा पन…पे॰…? आमन्ता।
४. पच्चुप्पन्नातीतवारो
१६८. (क) यो दुक्खसच्चं परिजानाति सो समुदयसच्चं पजहित्थाति? नो।
(ख) यो वा पन समुदयसच्चं पजहित्थ सो दुक्खसच्चं परिजानातीति? नो।
(क) यो दुक्खसच्चं न परिजानाति सो समुदयसच्चं नप्पजहित्थाति?
अरहा दुक्खसच्चं न परिजानाति, नो च समुदयसच्चं नप्पजहित्थ। अग्गमग्गसमङ्गिञ्च अरहन्तञ्च ठपेत्वा अवसेसा पुग्गला दुक्खसच्चञ्च न परिजानन्ति समुदयसच्चञ्च नप्पजहित्थ।
(ख) यो वा पन समुदयसच्चं नप्पजहित्थ सो दुक्खसच्चं न परिजानातीति?
अग्गमग्गसमङ्गी समुदयसच्चं नप्पजहित्थ, नो च दुक्खसच्चं न परिजानाति। अग्गमग्गसमङ्गिञ्च अरहन्तञ्च ठपेत्वा अवसेसा पुग्गला समुदयसच्चञ्च नप्पजहित्थ दुक्खसच्चञ्च न परिजानन्ति।
५. पच्चुप्पन्नानागतवारो
१६९. (क) यो दुक्खसच्चं परिजानाति सो समुदयसच्चं पजहिस्सतीति? नो।
(ख) यो वा पन समुदयसच्चं पजहिस्सति सो दुक्खसच्चं परिजानातीति? नो।
(क) यो दुक्खसच्चं न परिजानाति सो समुदयसच्चं नप्पजहिस्सतीति?
ये मग्गं पटिलभिस्सन्ति ते दुक्खसच्चं न परिजानन्ति, नो च समुदयसच्चं नप्पजहिस्सन्ति। अरहा ये च पुथुज्जना मग्गं न पटिलभिस्सन्ति ते दुक्खसच्चञ्च न परिजानन्ति समुदयसच्चञ्च नप्पजहिस्सन्ति।
(ख) यो वा पन समुदयसच्चं नप्पजहिस्सति सो दुक्खसच्चं न परिजानातीति?
अग्गमग्गसमङ्गी समुदयसच्चं नप्पजहिस्सति, नो च दुक्खसच्चं न परिजानाति। अरहा ये च पुथुज्जना मग्गं न पटिलभिस्सन्ति ते समुदयसच्चञ्च नप्पजहिस्सन्ति दुक्खसच्चञ्च न परिजानन्ति।
६. अतीतानागतवारो
१७०. (क) यो दुक्खसच्चं परिजानित्थ सो समुदयसच्चं पजहिस्सतीति? नो।
(ख) यो वा पन समुदयसच्चं पजहिस्सति सो दुक्खसच्चं परिजानित्थाति? नो।
(क) यो दुक्खसच्चं न परिजानित्थ सो समुदयसच्चं नप्पजहिस्सतीति?
ये मग्गं पटिलभिस्सन्ति ते दुक्खसच्चं न परिजानित्थ, नो च ते समुदयसच्चं नप्पजहिस्सन्ति। अग्गमग्गसमङ्गी ये च पुथुज्जना मग्गं न पटिलभिस्सन्ति ते दुक्खसच्चञ्च न परिजानित्थ समुदयसच्चञ्च नप्पजहिस्सन्ति।
(ख) यो वा पन समुदयसच्चं नप्पजहिस्सति सो दुक्खसच्चं न परिजानित्थाति?
अरहा समुदयसच्चं नप्पजहिस्सति, नो च दुक्खसच्चं न परिजानित्थ। अग्गमग्गसमङ्गी ये च पुथुज्जना मग्गं न पटिलभिस्सन्ति ते समुदयसच्चञ्च नप्पजहिस्सन्ति दुक्खसच्चञ्च न परिजानित्थ।
परिञ्ञावारो।
सच्चयमकं निट्ठितं।