Tipitaka >> Abhidhamma Pitaka >> Puggalapannatti >> Pali-Devanagri version-Chapter 8
Puggalapannatti Chapter 8[]
८. अट्ठकपुग्गलपञ्ञत्ति
२०७. तत्थ कतमे चत्तारो मग्गसमङ्गिनो, चत्तारो फलसमङ्गिनो पुग्गला? सोतापन्नो, सोतापत्तिफलसच्छिकिरियाय पटिपन्नो; सकदागामी, सकदागामिफलसच्छिकिरियाय पटिपन्नो; अनागामी, अनागामिफलसच्छिकिरियाय पटिपन्नो; अरहा, अरहत्तफलसच्छिकिरियाय [अरहत्ताय (स्या॰ क॰) अ॰ नि॰ ८.५९] पटिपन्नो; इमे चत्तारो मग्गसमङ्गिनो, इमे चत्तारो फलसमङ्गिनो पुग्गला।
अट्ठकनिद्देसो।